P3-M wasak sa buhawi sa North Cotabato

UMAABOT sa mahigit P3 milyon ang naiwang pinsala makaraang manalasa ang buhawi sa North Cotabato.

Sa lungsod lamang ng Kidapawan City, partikular sa Sitio Calaocan, Barangay Paco, umabot sa pitong ektarya ng sagingan ang sinira ng malakas na hangin.

Ayon sa CDRRMC, halos maubos ang 10,000 puno ng saging nang manalasa ang buhawi sa lugar.

Samantala, higit P100,000 naman ang pinsala sa pananalasa ng buhawi sa bayan ng Kabacan matapos na wasakin ang 27 bahay sa Barangay Magatos.

Maging ang bayan ng M’lang ay nakapagtala rin ng pinsala nang 15 pamamahay doon ang sinira ng malakas na hangin.

Maging ang wooden grand stand ng M’lang Ementary School at Pathway ng M’lang National High School ay hindi rin pinalampas ng buhawi.

Habang sa bayan ng Alamada, aabot naman sa 30 kabahayan ang winasak din ng ipo-ipo. JOHNNY ARASGA

.. Continue: Remate.ph (source)

P3-M wasak sa buhawi sa North Cotabato