ISANG lalaki na umano’y konektado sa drug trade ang napatay matapos pagbabarilin ng mga hindi pa nakikilalang suspek sa Mangaldan, Pangasinan noong Linggo ng gabi, April 19.
Kinilala ng Mangaldan police ang biktimang si Samuel Surat, ng Bgy. Gueguesangen ng nasabing bayan.
Batay sa imbestigasyon, papuntang Bgy. Banaoang ang biktima para bisitahin ang isang kaibigan nang pababarilin siya ng isa sa tatlong suspek sakay ng isang motorsiklo.
Napag-alamang nasa drug watch list ng Mangaldan police si Surat at pinaniniwalaang may kinalaman sa iligal na droga ang pamamaslang.
Nakakuha na umano ang awtoridad ng intelligence information para sa pagkakakilanlan sa mga suspek ngunit wala pa silang sinasabi ukol dito. ALLAN BERGONIA
.. Continue: Remate.ph (source)
No comments:
Post a Comment