PINAGTATAWANAN sa social media si Georgina Wilson dahil sa super-laki nitong tiyan at mala-airport na noo. Nakunan siya nang hindi niya alam habang nakaupo sa exercise bike at nagte-text gamit ang iPhone samantalang Samsung ang pino-promote nito, na naging dahilan din para bitawan siya ng kanyang manager na si Shirley Kuan dahil sinolo raw nito ang pakikipag-deal. Nakipag-deal din daw ito sa Asia’s Next Top Model Season 3 bilang host at head judge nang walang pahintulot ng kanyang manager. Aniya, mas mainam na siya raw ang makipag-usap dahil mas maganda ang magiging resulta.
Anyway, nagtataka lang ang netizen dahil ang seksi nito sa mga magazine cover, ad print, billboard etc. pero ang totoo pala ay hindi siya ganon kaseksi dahil medyo mataba siya. Ibig-sabihin, siya ang reyna ng photoshop? Na kinaiinisan gawin ni Anne Curtis dahil nawawala ang tunay niyang beauty dahil sa over na retoke sa litrato. Kapag kinukunan nga raw si Geogina hirap na ang photographer na angguluhan siya dahil may kalakihan ang kanyang belly kasama na ang puson, ang pata at braso, at idagdag pa ang katigasan ng ulo nito sa pagsunod sa sinasabi ng photog.
Untog ka siya. Joke! Hehehe!
Eh, baka naman naparami lang ang kain niya ngayon, kayo naman. Madali lang naman siyang magpapayat dahil bata pa.
***
BB GANDANGHARI, ISINUBO SA DISGRASYA NI ROMMEL PADILLA
Okey naman sa Padilla brothers ang pormahan ni BB Gandanghari ngayon, iyon nga lamang, mukhang may irita factor pa rin yata sila kapag nakikita nilang over kung makakendeng at maglagay ng make-up habang nakasuot ito ng pambabae. Kaya kahit papaano ay pinipilit nila itong umastang lalaki pa rin kahit hindi kasingtigas ng dati. Heto nga’t nag-organize daw sila ng motorcycle tour para sa kanilang pamilya pero dahil kilos-babae nga at super lamya na itong si BB kaya hayun at ilang beses daw na bumagsak at bumukangkang sa motorsiklo habang nag-eensayo, mabuti na lang at minor accident lang ang nangyayari, pero bumagsak pa rin sa ospital.
Si Rommel Padilla raw ang nagpumilit kay BB na mag-motor ito, si Robin ay wala namang pakialam dahil tanggap na tanggap na niyang girlita na talaga ang kapatid.
Anyway, tuloy ang paglayas ni Robin Padilla sa Pilipinas kagaya ng ipinangalandakan niya dahil sa sobrang galit nang payagan ng korte ang isang miyembro ng Ampatuan na makapagpiyansa sa kabila ng kasong multiple murder na kinahaharap. Lahat ng commitments nito sa showbiz partikular sa TV5 na may show siyang Talentadong Pinoy at 2 1/2 Daddies ay tinatapos na lamang niya para makalarga na sila ng misis niyang si Mariel Rodriguez Padilla papuntang Spain next month.
Sisiyatin, kakalkalin at iimbestigahan ni Binoe ang mga archive sa Espanya para ma-trace ang pinagmulan ng angkan ng mga Padilla na sa pagkakaalam niya sa bansang ito nagmula. Pero bago niya mabuo ang family tree ng kanilang pamilya ay katakot-takot na research muna ang gagawin niya sa kanilang lahi bago magsanga-sanga ito patungo sa kanyang tatay na si Roy Padilla, Sr. na dating aktor, direktor at gobernador ng Camarines Norte bago na-assassinate noong 1988.
Babalik pa kaya si Binoe sa Pinas pagkatapos ng kanyang gagawing pagdodokumentaryo sa kanilang lipi? ‘Yan ang aabangan natin.
***
DREW ARELLANO AT JAY TARUC, MAGPAPALIT NG ROLE
Ngayong Huwebes, April 23, isang ‘Cross Over’ ang magaganap sa Motorcycle Diaries! Sina Drew Arellano ng Biyahe ni Drew at Jay Taruc ng Motorcycle Diaries, magsasama sa isang pambihirang pagkakataon para sa iisang hilig: ang pagmomotorsiklo!
Tulad ni Jay, ibang adrenaline raw ang hatid kay Drew ng pagmomotorsiklo. Gustung-gusto niya raw kapag tumatama na ang hangin sa kanyang mukha habang nakasakay sa kanyang motor. Kaya naman hinamon ni Jay si Drew na subukan ang kanyang BMW S100R motorcycle sa kahabaan ng Tanay, Rizal!
Pero hindi magpapalamang si Drew dahil mayroon din siyang hamon para kay Jay. Bukod kasi sa pagiging motorcycle enthusiast, isa ring triathlete si Drew at kasalukuyan siyang nagsasanay para sa Ironman 70.3 Vietnam. Banat ni Drew sa Motorcycle Diaries host: subukan nito ang kanyang triahthlon training!
Magsasama-sama rin ang riders mula sa iba’t ibang sulok ng Pilipinas para sa isang malaking pagtitipon sa Tagaytay at para basagin ang isang world record!
Lalo namang paiinitin ang summer ng Kapuso star na si Stephanie Sol kasama ang ilang biker babes sa isang one-of-a-kind Bike Wash for a Cause!
Abangan ang masayang kwentuhan, kulitan, at aksyon sa 2015 New York Festivals Bronze Medalist “Motorcycle Diaries” ngayong Huwebes na, 10PM sa GMA News TV.
***
For comment, suggestion & news feed, text me at #09234703506 #09212906387 #09164992193 or email at kuya_abepaul@yahoo.com. Please listen to DWIZ’s Star na Star program from 1:30-2:30 p.m, Monday to Friday. Mabalos! PAPAK!/ABE PAULITE
No comments:
Post a Comment