DOTA BILL NI GATCHALIAN

NAPAPANAHON ang paghahain ni Valenzuela City 1st District Congressman Win Gatchalian sa mababang kapulungan ng Kongreso ng House Bill 4740 na naglalayong malimitahan ang mga kabataan na makapasok at makapaglaro sa mga computer shop.

Sa pamamagitan ng HB 4740, pagbabawalan ang mga computer shop owner na magpapasok ng mga menor-de-edad simula 7:00 ng gabi hanggang 7:00 ng umaga tuwing Sabado, Linggo at Holidays.

Tatawagin ding “Internet Café Regulation Act” ang HB 4740 kung saan ay pagbabawalan din ang mga computer shop owner na magpapasok ng mga estudyante sa kanilang establisimyento sa oras na may pasok sa eskwelahan.

Sa ginanap na deliberasyon ng HB 4740, nakiusap si Gatchalian sa mga magulang na manmanang mabuti ang kanilang mga anak upang maiiwas ang mga ito sa pagka-addict sa mga online game tulad ng DotA (Defense of the Ancients), Counter-Strike at iba pa.

Ang aksyon na ito ng kongresista ay dahil na rin sa mga sunod-sunod na balita na may mga kabataan na nag-aaway dahil lamang sa paglalaro ng DotA na kadalasang nauuwi sa krimen na kinasasangkutan ng mga ito.

Matatandaan na noong Enero 5 ng kasalukuyang taon nang aprubahan ng Konseho ng Bgy. Salawag, Dasmariñas, Cavite ang Resolution 008-S-2015 na nagba-ban sa paglalaro ng DotA sa buong barangay matapos na magsaksakan ang dalawang teenager nang hindi magkaunawaan sa larong ito.

Noong isang taon din, sinaksak din ng isang 16-anyos ang kanyang kalaro sa DotA na 11-taong gulang lamang. Maging ang isang binatilyong kinagalitan ng kanyang lola dahil sa online games ay sinaktan ng 17-anyos sa Quezon City.

Ayon pa kay Gatchalian, ang pagiging addict ng mga kabataan sa computer games ay dahil hindi ito nasusubaybayan ng kanilang mga magulang. Natututo rin ang mga menor-de-edad na ito na makipagpustahan sa pamamagitan ng larong DotA.

Sa atin pang obserbasyon, kapag nagkapustahan na ang mga kabataang ito at natalo ang isa, kadalasan na nagkakaroon ng pagtatalo sa pagitan ng dalawa hanggang sa mauwi sa away at kung minsan ay nauuwi sa mabigat na krimen.

Alam naman nating lahat na sa pamamagitan ng computer at internet ay madali tayong nakakukuha ng impormasyon na ating hinahanap ngunit kung hindi babantayan ng kanilang mga magulang ang kanilang mga anak ay posible itong mauwi sa pagiging addict sa paglalaro ng online games at pagbubukas ng mga website na hindi angkop sa menor-de-edad.

Sa pamamagitan ng HB 4740, magkakaroon na ng limitasyon ang mga kabataan sa kanilang paglalaro ng anomang online game at sa tingin natin ay mababawasan na rin ang krimen na kanilang kasasangkutan dahil lamang sa larong DotA. ALINGAWNGAW/ALVIN FELICIANO

.. Continue: Remate.ph (source)

DOTA BILL NI GATCHALIAN

PROSTITUTION SA GOOD HOPE HOTEL, LANTARAN PA RIN

HANGGANG ngayon ay talamak pa rin ang bentahan ng sex sa Good Hope Hotel na ino-operate ng grupo ng isang alyas Apeng Sy sa Tetuan St. cor. Tomas Mapua, Sta. Cruz, Maynila.

Mula sa 2nd floor ng hotel ay matatagpuan ang Star Coffee Garden na kung titingnan ay sasabihin natin na isa lamang itong ordinaryong coffee shop na pinagdarausan ng mga transaksyon, meeting at iba pa.

Pero ‘wag ka, ang Star Coffee Garden, ay pinupuntahan ng mga manginginom dahil sa kakaibang style nito sa pagbebenta ng sex sa mga mahihilig na mga kalalakihan.

Sa pagpasok mo pa lang sa coffee shop ay sasalubungin ka na kaagad ng receptionist dito at saka aalukin ng ka-table ang kostumer.

Sa halagang P2,500 kasi ay pwedeng nang maka-sex ng kostumer ang ka-table nito.

Doon kasi sa tagiliran ng bahagi ng counter ng coffee shop ay may pintuan na papunta sa mga kuwarto na doon kinakasta ng kostumer ang kanyang naka-table.

Mula naman sa 3rd floor hanggang 5th floor ng hotel ay naroroon ang mga prostitute na ‘China girl’ na “exclusive” lang sa mga dayuhang Chinese.

Bukod sa Good Hope Hotel, kabilang din ang New Venice KTV sa Ongpin St., Sta. Cruz ang may lantaran na prostitution.

Ang grupo ni Apeng Sy ang responsable sa pag-o-operate ng prostitution sa Chinatown.

Walang magawa ang simbahan at iba pang mga cause-oriented para mapatigil ang lumalalang prostitution sa nasabing hotel.

LANTARAN ANG LOTTENG SA PASAY

Lantaran pa rin ang operasyon ng lotteng sa Pasay City. Ginagamit nina Roderick, Boy Corcuera at Len Aguado ang pangalan ng isang alyas Borbe sa operasyon ng kanilang pasugalan para makalibre sa intelihensya.

***

Anomang reklamo o puna ay i-text lang sa 09189274764, 09266719269 o i-email juandesabog@yahoo.com. JUAN DE SABOG/JOHNNY MAGALONA

.. Continue: Remate.ph (source)

PROSTITUTION SA GOOD HOPE HOTEL, LANTARAN PA RIN

KASO NI JINGGOY MASALIMUOT

NAKATANGGAP kamakailan ng matinding dagok sa kanyang legal battle si Senador Jinggoy Estrada matapos magpalabas ang 5th Division ng Sandiganbayan ng preliminary attachment at garnishment order laban sa kanyang mga pag-aari na aabot sa halagang P183-milyon.

Dahil sa nasabing utos ay hindi niya maaaring galawin o ‘di kaya ay ibenta ang kanyang mga pag-aari na kinabibilangan ng mga sasakyan, mga lupain, mga bahay, condominium units, shares of stocks at iba pa.

Ang nasabing halaga ay kumakatawan umano sa kinita ni Jinggoy bilang kickback mula sa kanyang Priority Development Assistance Fund (PDAF), base sa pakikipagkutsabahan niya kay pork barrel scam queen Janet Lim-Napoles.

Sinabi naman ng mga abogado ni Jinggoy sa pangunguna ni Atty. Alex Abastillas na iaapela nila ang kautusan, dahil anila ay wala itong basehan sapagkat hindi naman napatunayan ng prosekusyon sa pamamagitan ng mga ebidensya na kumita siya at nasangkot sa nasabing pork barrel scam.

Mabuti rin sigurong isipin natin na hanggang sa ngayon ay nililitis pa lang ang plunder case ni Jinggoy at base sa takbo ng mga pangyayari ay mukhang malayo pa ang tatakbuhin nito bago mabigyan ng pinal na resolusyon at hatol.

Sa mga nakaraang pagdinig ay paulit-ulit na itinanggi ni Jinggoy ang mga paratang laban sa kanya subalit hindi inalintana ng prosekusyon ang mga katibayang inihaharap niya.

Idiniriin din ng mga abogado ni Jinggoy na hindi dapat pansinin ng korte ang mga alegasyon ng prosekusyon sapagkat anila ay pawang mga hearsay o sabi-sabi lang ang inilalatag nilang mga ebidensya.

Para sa akin naman, bagama’t abala ngayon ang buong bansa sa pagsubaybay hinggil sa kahihinatnan ng kaso ng SAF Fallen 44, mabuti ring hindi natin makalimutan ang pagsubaybay sa mga kasong tulad ng kinakaharap ni Jinggoy at ng iba pang opisyal ng pamahalaan.

Obligasyon natin bilang mga mamamayan na abangan ang mga kaganapang ito sa korte at umaasa tayo na sana ay maging patas ang mga hukom sa pagtimbang sa mga ebidensyang inihahain ng magkabilang panig sa harap nila.

Sa ganoong paraan lang kasi natin masasabi na anomang hatol ang igawad ng hukuman ay naaayon ito sa tamang pangangatwiran at naihaing mga ebidensya at sa huli ay tunay ngang maisisilbi ang katarungan ng walang pag-aalinlangan. OPENLINE/BOBBY RICOHERMOSO

.. Continue: Remate.ph (source)

KASO NI JINGGOY MASALIMUOT

NTC WALANG KREDIBILIDAD

GUSTO ko na sanang maniwala sa ating mga mamamayan na sawang-sawa na rito kay PNoy at kinakailangan na itong patalsikin sa puwesto. Totoo naman kasi na sagad na sa buto ang kapalpakan nitong kasalukuyang administrasyon na siyang dahilan kung bakit nadisgrasya ang 44 na operatiba ng Special Action Force sa Mamasapano, Maguindanao.

Bilib na rin sana ako sa tapang nitong mga nananawagan para maglunsad ng panibagong “People Power” laban kay PNoy. Aba’y matindi, talagang ‘pag ‘di mo kilala ang mga taong gumagawa nito ay talaga namang iidolohin mo sila dahil sa kanilang kakaibang tapang at pagmamahal para sa bayan.

Ang problema nga lang, eh, matagal na nating buking ang tunay na hilatsa ng mga taong ito gaya na lamang nitong si dating Tarlac Congressman at kasalukuyang Philippine Olympic Commission President Jose “Peping” Cojuangco na tito ni PNoy.

Hindi nga kaya hanggang ngayon ay bokya pa rin ang bansa natin sa Olympics dahil sa mga katarandatuhang pinaggagawa nitong si Peping sa POC. Siya ang dahilan kung bakit magulo ang sports sa ating bansa gaya na lang itong pagkakawatak-watak nitong ating dragon boat team.

Ano naman kaya ang karapatan nitong si Peping na magngangakngak tungkol sa diumano’y kapalpakan ng kanyang pamangkin samantalang siya nga, eh, ni hindi niya maayos ang kanyang kakapiranggot na trabaho sa POC? Ano rin kaya ang karapatan ng bugok na ito na pumuna tungkol sa korapsyon samantalang napakaraming alingasngas ng katiwalian noong siya pa ay nakaupong kongresman ng Tarlac?

Hindi kaya kinikilabutan itong si Peping tuwing binabatikos niya ang kanyang sariling pamangkin dahil sa pagkakaalam ko, sa pagkatagal-tagal nang politiko ng ungas na ito ay mas marami pang nagawa para sa bayan ang kakilala kong janitor sa Libertad market.

Dahil sa mga taong pumapapel na gaya nitong si Peping at walang kahit katiting na kredibilidad itong tinatawag nilang National Transformation Commission na siya umanong magpapatakbo sa ating pamahalaan kung mapatalsik na itong si PNoy. Ang kakapal n’yo naman.

Sino naman ang sira ang ulo na sasama sa inyo? At ito namang mga pari na dapat sana ay nangunguna para turuan ang ating mga mamamayan upang magkaisa para sa ikabubuti ng ating bayan ay sila pa ang nangungunang magpabola sa mga taong gaya ni Peping. Hindi n’yo ba kilala kung sino ‘yang kinukuntsaba n’yo upang mang-agaw ng kapangyarihan?

Kulang-kulang na lang ang isang tao ay magkakaroon na ng halalan kaya itigil n’yo na ang inyong kalokohan. At kung sa tingin nitong si Peping ay suportado siya ng ating mga mamamayan, aba eh, by all means tumakbo siyang Presidente baka iboto siya ng mga taga-Mental.

****

Para sa inyong mga sumbong tungkol sa mga mali sa lipunan at mga tiwaling lingkod-bayan, mga komento at suhestyon ay mag e-mail lamang sa gil.bugaoisan@gmail.com. BIGWAS/GIL BUGAOISAN

.. Continue: Remate.ph (source)

NTC WALANG KREDIBILIDAD

PNoy nag-sorry sa trapik sa EDSA anniv.

MANILA, Philippines - Humingi ng sorry si Pangulong Aquino sa taumbayan sa idinulot na matinding trapik sa pagdiriwang ng EDSA People Power anniversary kamak .. Continue: Philstar.com (source)

PNoy nag-sorry sa trapik sa EDSA anniv.

Nobela bukas sa Palanca

MANILA, Philippines - Ang Carlos Palanca Foundation, Inc. .. Continue: Philstar.com (source)

Nobela bukas sa Palanca

3 lalaki, patay matapos umanong makipagbarilan sa mga pulis sa Bulacan

Nauwi sa barilan ang operasyon ng pulisya laban sa isang grupong sangkot umano sa iba't ibang krimen sa San Jose del Monte city sa lalawigan ng Bulacan. Ang lugar na sinakalay, tinatawag na "Kalye Demonyo" kung saan dalawang pulis ang pinatay noong Oktubre 2014. .. Continue: GMANetwork.com (source)

3 lalaki, patay matapos umanong makipagbarilan sa mga pulis sa Bulacan