AirAsia plane, posible sa kailaliman ng dagat – search and rescue team

MALAKI umano ang posibilidad na nasa kailaliman na ng Java Sea ang nawawalang AirAsia Flight QZ 8501.

Ayon kay Indonesian National Search and Rescue Agency chief Bambang Soelistyo, konklusyon nila ito batay sa ibinigay na coordinates.

Gayunman, posible pa umanong magkaroon ng mga development habang patuloy ang pag-aaral sa mga data.

Magiging malaking pagsubok ito kung sakaling nasa ilalim na ng dagat ang naturang eroplano dahil walang na-transmit na emergency signal ang eroplano matapos itong mawala sa radar kaya hindi matukoy ang eksaktong lokasyon nito.

Pinalawak ng mga rescuers ang search area sa karagatan na nasa pagitan ng Bangka at Kalimantan Island.

Umaasa ang Indonesia na matagpuan sa lalong madaling panahon ang A320-200 plane na may lulang 162 katao.

Ang eroplano ay nawala habang patungo ito ng Singapore mula sa Indonesia na pinaniniwalaang nawalan ng kontrol dahil sa masamang panahon.

Bago nawalan ng contact ang eroplano sa radar, hiniling ng piloto na mula sa 6,000 ft. ay umakyat ito sa 38,000 ft. dahil sa matinding kaulapan ayon sa Indonesian transport ministry.

Pinayagan din ang request ng piloto na lumipad sa kaliwang bahagi dahil sa masamang panahon.

Mula sa 38,000 ft., hiniling ng piloto na bumaba ito sa 32,000 ft. ngunit hindi na napayagan ang hiling na ito ng Flight QZ8501 dahil sa air traffic noong panahong iyon at makalipas ang limang minuto, nawala na sa radar ang AirAsia plane.

Tumutulong na rin ngayon sa paghahanap ang mga bansang Singapore, Malaysia, Australia at South Korea na nagpadala ng mga barko at eroplano.

Samantala, nitong umaga ay humarap sa pamilya ng mga biktima sa Surabaya airport sa Indonesia ang mga opisyal ng AirAsia at Indonesia upang magbigay update sa search operation.

Lulan ng eroplano ang may 155 Indonesians, tatlong South Koreans, tig-isa mula sa Singapore, Malaysia, Britain at France.

Hanggang ngayon ay shocked pa rin ang mga kamag-anak habang ang ilan ay umiiyak at nagsasagawa ng vigil habang naghihintay sa paliparan.

Ito na ang pangatlong trahedya sa airline companies ng Malaysia ngayong taon. GILBERT MENDIOLA

.. Continue: Remate.ph (source)

AirAsia plane, posible sa kailaliman ng dagat – search and rescue team

Mga bata, pinaiiwas sa paggamit ng ‘piccolo’

DAHIL madalas mapagkamalang kendi ng mga bata ang piccolo, nagpalabas ng mga tips ang Department of Health (DOH) para maprotektahan ang mga bata laban sa piccolo poisoning.

Kaugnay nito, mahigpit na pinayuhan ng DOH ang mga magulang na tiyaking mailalayo ang mga bata laban sa naturang ipinagbabawal na paputok.

Babala ng DOH, ang piccolo ay nagtataglay ng yellow phosphorus, na maaaring maging sanhi ng kamatayan kung makakalunok ng mula 50 hanggang 100 mg nito.

“Piccolo is very poisonous because it contains the substance yellow phosphorus. The estimated human lethal dose is 50 to 100 milligrams,” anang advisory ng DOH.

Kabilang sa senyales at sintomas ng posibleng piccolo poisoning ay burns at pagsusuka.

Sakali naman umanong makumpirmang nakalunok ng piccolo ang isang indibidwal ay dapat na bigyan ang bata ng anim hanggang walong hilaw na puti ng itlog habang walo hanggang 12 puti naman ng itlog para sa mga matatanda.

Sakali naman umanong tamaan o malagyan ng piccolo sa mata, ay kaagad na hugasan ito ng tubig sa loob ng 15 minuto. Panatilihing bukas ang talukap ng mata.

Kung maapektuhan naman sa balat ay hugasan ng mabuti ang apektadong lugar, alisin ang kontaminadong damit at tiyaking nalabhan ito ng maayos bago muling gamitin.

Kung nakasinghot ng piccolo, hayaang makalanghap ng sariwang hangin ang pasyente at panatilihin siyang kumportable.

Sa lahat ng pagkakataon, tiyaking matapos na mabigyan ng first aid ang mga pasyente ay agad na kumonsulta sa doktor o pagamutan upang mabigyan ang mga ito ng kaukulang lunas.

Samantala, iniulat ni acting Health Secretary Janette Garin, na pumalo na sa 130 ang naitala nilang fireworks-related injuries simula Disyembre 21 hanggang Disyembre 28. MACS BORJA

.. Continue: Remate.ph (source)

Mga bata, pinaiiwas sa paggamit ng ‘piccolo’

Maguindanao, niyanig ng malakas na pagsabog

NIYANIG ng malakas na pagsabog ang lalawigan ng Maguindanao alas-8:15 ng umaga kanina, Disyembre 29.

Ayon kay 6th Infantry (Kampilan) Division Public Affairs chief Captain Joan Petinglay, sumabog ang bomba sa Sitio Bagong Barangay Timbangan, Shariff Aguak, Maguindanao.

Maswerteng walang nasugatan sa pagsabog ngunit nagdulot ito ng takot sa mga residente.

Hindi pa matiyak kung anong klaseng bomba ang pinasabog sa gilid ng kalsada dahil walang nakitang shrapnel ang mga tauhan ng Explosive Ordnance Disposal (EOD) Team ng Philippine Army.

Ngunit marami ang naniniwala na posibleng kagagawan naman ito ng Bangsamoro Islamic Freedom Fighters (BIFF) para takutin ang taongbayan.

Agad namang pinabulaanan ni Bangsamoro Islamic Freedom Movement (BIFM) Spokesman Abu Misry Mama ang pangyayari at wala raw silang kinalaman sa pagsabog.

Sa ngayon ay naghigpit pa ng seguridad ang militar at pulisya sa lalawigan ng Maguindanao at North Cotabato laban sa mga armed lawless group. MARJORIE DACORO

.. Continue: Remate.ph (source)

Maguindanao, niyanig ng malakas na pagsabog

Mahigit P1M cash at kagamitan, nanakaw sa hotel sa Baguio

HALOS nasa P1-milyon ang kabuuang halaga ng mga kagamitan at cash ang tinangay ng mga magnanakaw mula sa apat na silid na tinutuluyan ng mga turista sa isang hotel sa Gibraltar sa lungsod ng Baguio.

Napag-alamang aabot sa higit na 300 USD, P500,000 cash at mga kagamitang nagkakahalaga ng higit sa P600,000 ang natangay.

Nakilala ang mga biktima na sina Rosa Padyernos, 70, at asawa nitong si Emmanuel Padyernos ng Las Piñas City; Benjamin Villaseñor, 72; Verginia Pimentel Villaseñor, 74; Maria Rhoda Villaseñor, 44, na pawang mga residente ng Bacoor, Cavite; James Chua, 66; Elena Chua at si Natali Co na mula sa San Juan City at Quezon City.

Batay Sa imbestigasyon, umakyat ang mga hindi nakikilalang suspek sa bakod sa likod ng hotel at dumaan ang mga ito sa terrace bago sila pumasok sa mga naturang silid.

Napag-alaman pa na may sira ang mga sliding glass doors at walang guwardiya sa likod ng naturang hotel. MARJORIE DACORO

.. Continue: Remate.ph (source)

Mahigit P1M cash at kagamitan, nanakaw sa hotel sa Baguio

Australia, tumulong na sa paghahanap ng AirAsia

TUMULONG na ang Australia sa paghahanap sa AirAsia flight QZ8501 na nawalan ng kontak sa air traffic control habang tumatahak sa Java Sea.

Matatandaang patungong Singapore ang AirAsia nang hilingin ng pilotong magpalit ng flight plan dahil sa masamang lagay ng panahon.

Ipinadala ng Australian Defence Force ang Royal Australian Air Force AP-3C Orion Maritime Patrol Aircraft upang tulungan ang search-and-recue team para sa nawawalang AirAsia flight 8501.

Ang search team ay pinangungunahan ng Singapore.

Ani Australian Air Chief Marshal Binskin, ang RAAF AP-3C Orion aircraft na may kapasidad sa search and rescue ay kaya ring magsagawa ng maritime search radar na may infrared at electro-optical sensors.

Kasama umano nito ang mga highly-trained crew members na magsasagawa ng search ops.

Ilang barko na ang naghanap sa lugar kung saan pinaniniwalaang bumagsak ang eroplano, malapit sa Belitung Island, dakong 6:49 a.m.

Ayon sa spokeswoman ng Indonesian National Search and Rescue Agency na si Annisa Noviantri, napilitan silang ihinto ang paghahanap dahil madilim na at masama pa ang panahon, dakong 5:30 p.m. noong Linggo.

Ang Flight QZ8501, Airbus A320-200 ay nawalan ng kontak sa air traffic control sa Jakarta dakong 6:17 a.m., Linggo, malapit sa Belitung Island, Indonesia, matapos silang umalis sa Surabaya.

Ayon kay Indonesian Air Transport Director Djoko Murjatmodjo, 161 katao ang sakay ng eroplano na naka-iskedyul na lumapag sa Singapore dakong 7:57 a.m.

Nagpahayag naman ng pagkalungkot sa AirAsia Indonesia CEO Sunu Widyatmoko at nangakong iimbestigahan ang tunay na dahilan ng aksidente.

Prayoridad umano nilang magbigay ng impormasyon sa latest developments ng search ang rescue team. NENET L. VILLAFANIA

.. Continue: Remate.ph (source)

Australia, tumulong na sa paghahanap ng AirAsia

Stranded sa bagyong Seniang, halos 8,000 na

DAHIL sa sama ng panahon dulot ng bagyong Seniang, umabot na sa halos 8,000 ang na-stranded na pasahero at sasakyang-pandagat sa mga pantalan hanggang ngayong, Disyembre 29.

Sa huling tala ng Philippine Coast Guard (PCG), nasa 7,952 katao na ngayon ang stranded kabilang na ang 91 vessels, 26 na motor bancas at 239 na rolling cargo.

Ito’y matapos itaas ng PAGASA sa tropical storm category mula sa tropical depression ang bagyong Seniang.

Nanatili ang lakas ng hangin na 65 kph at may pagbugsong 80 kph ang bagyo na ngayon ay nananalasa sa bahagi ng Surigao del Sur matapos mag-landfall kanina sa Hinatuan.

Kumikilos ang bagyo nang pakanluran hilagang-kanluran sa bilis na 11 kph.

Nakataas ngayon ang signal no. 2 sa Bohol, Siquijor, Surigao del Sur, Surigao del Norte, Siargao Island, Agusan del Norte, Agusan del Sur, Misamis Oriental at Camiguin.

Habang nasa signal no. 1 naman sa Leyte, Southern Leyte, Camotes Island, Cebu, Negros Oriental, Negros Occidental, Dinagat Province, Compostela Valley, northern part of Davao Oriental, Davao del Norte, Bukidnon, Lanao del Norte, Misamis Occidental at Zamboanga del Norte. JOCELYN TABANGCURA-DOMENDEN

.. Continue: Remate.ph (source)

Stranded sa bagyong Seniang, halos 8,000 na

Pagbebenta ng paputok, pinahihigpitan – DOH

INIHAYAG ng Department of Health (DOH) na kinakailangan ng ibayong paghihigpit sa paggamit at pagbebenta ng paputok matapos na madagdagan pa ang bilang ng fireworks-related injuries dalawang araw bago sumapit ang Bagong Taon.

Ito’y matapos makapagtala pa ng 15 biktima ng paputok ang 3 sa 6 na pampublikong ospital sa Maynila.

Ayon kay Dr. Brian Aguilar, Medical Officer ng emergency room ng Ospital ng Maynila, mayroong pitong biktima ang naisugod kung saan pawang mga menor-de-edad, habang pito rin ang dinala sa Tondo Medical Center (TMC) at isa naman sa Ospital ng Maynila.

Sa naturang bilang, 14 ang naputukan ng piccolo na ang pawang menor-de-edad maliban sa isang 22-anyos na lalaking biktima.

Sinabi ni Aguilar na dapat higpitan pa ang kampanya kontra paputok upang mailayo ang mga bata sa peligro.

Nangunguna pa rin ang piccolo na sanhi ng firecrackers-related injuries na umabot na sa 66% na bilang ng kaso.

Nabatid din na pumalo na rin sa kabuuang bilang na 130 ang naputukan mula ng magsimula ang monitoring ng DOH. JOCELYN TABANGCURA-DOMENDEN

.. Continue: Remate.ph (source)

Pagbebenta ng paputok, pinahihigpitan – DOH