MAGKIKITA-KITA ang mga matitikas na basketball players sa NCAA sa gaganaping All-Star Game, slam dunk competition at three-point shootout sa The Arena sa San Juan City upang makalikom ng pondo para sa mga batang nasa Hospicio de San Jose.
Ayon kay Management Committee chairman Paul Supan ng Jose Rizal, magdadala sila ng 20 batang nasa Hospicio para mapanood ang East vs West All-Stars na mag-uumpisa ng 2:30 ng hapon.
“We’ll have kids from Hospicio de San Jose as guests and beneficiary. Portions of proceeds will also go to NCAA players in the national team and the NCAA personnel assistance fund,” ani Supan.
Kasama sa East team ang San Beda, Perpetual Help, Arellano University, San Sebastian at Jose Rizal habang nasa West team ang Lyceum of the Philippines, St. Benilde, Emilio Aguinaldo, Letran at Mapua.
Sina Baser Amer at Arthur dela Cruz ng San Beda, Bradwyn Guinto ng San Sebastian at Earl Scottie Thompson, Harold Arboleda at Juneric Baloria ng Perpetual ang mangunguna para sa East habang sa West ay sina Joseph Gabayni ng Lyceum, Kevin Racal at Mark Cruz ng Letran at Mark Romero at Juan Paulo Taha ng Saint Benilde.
Ang ibang players ng East ay sina Prince Caperal, Isiah Ciriacruz at John Pinto na mga pambato ng Arellano, Jaymar Perez at Jovit dela Cruz ng San Sebastian, Philip Paniamogan, Michael Mabulac at Bernabe Teodoro ng Jose Rizal at ang taga San Beda na si Kyle Pascual.
Kukumpleto para sa West sina Dexter Zamora at Shane Ko ng Lyceum, Jack Arquero, John Tayongtong at Jan Jamon ng EAC, Roberto Bartolo ng CSB, Jeson Cantos, Jessie Saitana at Andrew Estrella ng Mapua at Rey Nambatac ng Letran.
Mamanduhan ni San Beda coach Boyet Fernandez ang East habang si Letran coach Caloy Garcia ang hahawak sa West.
Magpapagalingan naman sa slam dunk sa ala-una ng hapon sina Jebb Bulawan ng LPU, Kieth Agovida ng Arellano, Rey Publico ng Letran, Jonathan Grey ng Saint Benilde, Abdul Razak Abdul Wahab ng Jose Rizal, Jeson Cantos ng Mapua, Ola Adeogun ng San Beda, Jaymar Perez ng San Sebastian, Ric Gallardo ng Perpetual at Sidney Onwubere ng EAC.
Pagkatapos ng salpakan ng bola, sa three-point shootout naman magpapakitang gilas sina Levi Hernandez (Arellano), Kevin Racal (Letran), Travis Jonson (Saint Benilde), Philip Paniamogan (Jose Rizal), Exeqiel Biteng (Mapua), Anthony Semerad (San Beda), Jamil Ortuoste (San Sebastian), Harold Arboleda (Perpetual), Jan Jamon (EAC) at Wilson Baltazar (Lyceum).
Pampagana naman sa umaga ang Ms. NCAA 2014 na mag-uumpisa ng 10:30. Elech Dawa
.. Continue: Remate.ph (source)
No comments:
Post a Comment