Friday, October 31, 2014

Bilang ng mga motoristang dadaan sa NLEX, dadami pa

DADAGSA ang mga motoristang dadaan sa North Luzon Expressway (NLEx) ngayong Undas.


Ayon kay Robin Ignacio, head ng NLEX Traffic and Safety Division, tinatayang madadagdagan ng halos 30,000 sasakyan ang bilang ng babaybay sa NLEX kada araw.


Sa ordinaryong panahon, kadalasang umaabot sa halos 280,000 na motorista ang dumadaan sa NLEX, kada araw.


Mag i-increase ang mga sasakyan na dumadaan sa NLEX ng mga 10-15%, maaaring madadagdagan ng mahigit 30,000.


Samantala, tiniyak din ni Ignacio na nakikipag-ugnayan sila sa pamunuan ng Iglesia ni Cristo, para sa kanilang aktibidad sa Philippine Arena, mamayang gabi.


Ayon kay Ignacio, mayroong sapat na parking space sa loob ng Ciudad de Victoria para sa tinatayang 65,000 na lalahok mamayang gabi.


Pinayuhan din ni Ignacio ang mga kapatid na Iglesia na gamitin ang Balagtas o Tabang exit, para maiwasan ang paninikip ng daloy ng trapiko sa Bocaue interchange. JOHNNY ARASGA


.. Continue: Remate.ph (source)



Bilang ng mga motoristang dadaan sa NLEX, dadami pa


Lolo hinostage ang apo sa Manila North Cemetery

HINOSTAGE ng isang lolo ang kanyang apo malapit sa Main Avenue sa loob ng Manila North Cemetery, Sabado ng madaling-araw.


Arestado ang suspek na si Jun Gonzales, 56, makaraang i-hostage ang sariling 12-anyos na apong babae. Nagtitinda ng mga chichirya sa loob ng sementeryo ang suspek at may sarili silang stall.


Alas-4:00 kaninang madaling-araw, biglang nagsisigaw ang suspek na susugurin umano siya ng mga tao at may papatay sa kanya kaya niyakap niya ang apo at kumuha ng bread knife.


Sa pakikipag-usap sa mga kaanak ng suspek na nagtitinda rin sa sementeryo, hinihinala nilang may nervous breakdown ang suspek o puyat na puyat sa ilang gabing pagtitinda.


Ang suspek na lolo ng biktima ang sinasabing nagpalaki sa kanya.


Pinaligiran ng mga pulis at rescue team sa sementeryo at nakuha ang bata.


Ikinulong nsa MPD Station 3 Central Police Station ang suspek habang ang bata ay ibinalik sa magulang. JOHNNY ARASGA


.. Continue: Remate.ph (source)



Lolo hinostage ang apo sa Manila North Cemetery


2 lalaki, ginarote at pinagsasaksak sa Cagayan

PATAY ang dalawang lalaki matapos gilitan at pagsasaksakin ng isang lalaki sa bayan ng Claveria, Cagayan.


Kinilala ang mga biktimang sina Darland Ragudo at Vic Frigido, kapwa ng bayan ng Claveria habang ang suspek ay kinilala namang si Christopher Villanueva, ng San Juan, Ilocos Sur.


Ayon kay SPO3 Rizal Castillo, chief of police ng PNP Claveria, bago mangyari ang insidente ay nasa bahay ng kanyang ka-live-in si Frigido kasama si Ragudo nang tumawag ang suspek sa biktimang si Frigido.


Sinabi umano nitong magkita silang dalawa sa Bgy. Pinas at huwag magsama ng iba pa.


Dahil kinutuban ang biktima kung kaya’t isinama nito si Ragudo.


Dito na pinagsasaksak ng suspek ang mga biktima ng walang kadahilanan.


Nakatanggap ng impormasyon ang PNP Claveria na may nakitang bangkay sa lugar at agad naman nilang tinungo at nakita doon ang bangkay ni Ragudo.


Natagpuan din ang bangkay ni Frigido 30-40 metro ang layo mula naman sa bangkay ni Ragudo.


Pinagsasaksak ang mga biktima saka ginilitan ang leeg na lumabas pa ang mga bituka.


Sa ngayon, nakikipag-ugnayan na ang PNP Claveria sa PNP ILocos Sur para sa ikadarakip ng suspek na ngayon ay pinaghahanap pa. JOHNNY ARASGA


.. Continue: Remate.ph (source)



2 lalaki, ginarote at pinagsasaksak sa Cagayan


Suspek sa pagpatay dahil sa droga, pinaghahanap na

PINAGHAHANAP ngayon ng mga awtoridad ang mga armadong lalaki ng pumatay sa tatlong lalaking pinagbabaril sa San Jose Del Monte, Bulacan dahil sa onsehan sa droga.


Batay sa ulat, anim na armadong ‘di pa kilalang lalaking sakay ng tatlong motorsiklo ang dumating sa tinutuluyang bahay ng mga biktima sa Bgy. Sto. Cristo.


Tatlo sa mga ito ang pumasok at pinagbabaril ang mga biktima.


Kaagad na namatay sina Kristina Sta. Maria, 38, at Andrew Bovier, 18.


Namatay sa bago dumating sa ospital si Dindo Matias habang patuloy na inoobserbahan si Renz Nathaniel Cabantug.


Sa loob ng bahay, nadatnan ng mga imbestigador ang isang kilo ng marijuana, timbangan, ilang drug paraphernalia at mga gulay na pinagtataguan ng mga droga.


Dahil dito, onsehan sa droga ang nakikitang motibo ng mga pulis sa krimen lalo’t talamak ang iligal na droga sa lugar.


Ayon sa asawa ng isa sa mga biktima asawa, matagal na siyang drug pusher subalit gusto na niyang magbago.


Inamin din nitong matagal na rin siyang nalulong sa bisyo pero hindi niya inakalang mauuwi ito sa trahedya at madadamay pa ang kanyang pamilya. JOHNNY ARASGA


.. Continue: Remate.ph (source)



Suspek sa pagpatay dahil sa droga, pinaghahanap na


Misis, timbog sa pagpatay sa mister

NASAKOTE na ang suspek na pumatay sa kanyang sariling asawa sa bayan ng Flora, Apayao.


Nasakote ang ginang sa pinagsanib na pwersa ng PNP Flora Apayao at PNP Allacapan na kinilalang si Trinidad Torricer, 40, ng Centro east bayan ng Allacapan, Cagayan.


Ayon kay Police Inspector Garry Gayamos, chief of police ng PNP Flora bago ang paghuli kay Torricer ay isinagawa muna ang arraignment kay Ricardo Ignacio, isa din sa mga suspek sa pagpatay sa biktimang si Jomilito Torricer, asawa ni Trinidad.


Sa naturang arraignment noong Oktubre 28, 2014 sinabi nito na si Mateo Sowisem ang kasama umano nito sa pagpaslang kay Jomilito.


Nang arestuhin naman si Sowisem sa pamamagitan ng warrant of arrest ay inamin naman nito si Trinidad na isa rin umano sa kasama nila sa pagpatay sa sarili nitong asawa noong July 12, 2014.


Dahil dito, nakipag-ugnayan ang PNP Flora sa PNP Allacapan para arestuhin si Torricer.


Itinanggi naman ni Torricer ang alegasyon laban sa kanya.


Sinabi pa ni Gayamos na alam na nila ang motibo sa pagpatay sa naturang biktima subalit ayaw muna nila itong isapubliko para hindi masira ang isinasagawang imbestigasyon.


Nabatid pa na magkakamag-anak ang tatlong suspek.


Sa ngayon, nakakulong na si Torricer sa Flora Municipal Police Station habang si Sowisem ay nasa Provincial Jail sa Sta. Marcela Apayao at sa BJMP Luna, Apayao naman nakakulong si Ignacio.


Sa panayam naman kay SPO2 Paul Payag, imbestigador ng kaso sinabi nitong namatay ang biktima dahil sa mga palo at saksak sa katawan.


Sa ngayon, nahaharap si Torricer sa kasong parricide habang sina Ignacio at Sowisem ay nakasuhan ng murder. JOHNNY ARASGA


.. Continue: Remate.ph (source)



Misis, timbog sa pagpatay sa mister


Bagyong ‘Paeng’ pumasok na sa PAR

NAKAPASOK na sa Philippine area of responsibility (PAR) ang binabantayang bagyo na tatawaging Paeng.


Ayon sa PAGASA, huling namataan ang mata ng bagyo sa layong 1,211 kilometro Silangan ng Legazpi City, Albay


Taglay ng bagyo ang lakas ng hangin na aabot sa 65 kph at pagbugso na 80 kph.


Kasalukuyan itong kumikilos pa-kanluran hilagang-kanluran sa bilis na 15 kph.


Wala namang direktang epekto sa panahon ang bagyo ngunit palalakasin nito ang Northeast monsoon o amihan na magdudulot ng maalon hanggang sa napakaalong karangatan sa silangang bahagi ng Visayas.


Samantala, makararanas ang Luzon kasama na ang Metro Manila ng maulap na kalangitan at mahina hanggang sa katamtamang pag-ulan lalo na sa hapon at gabi.


Binabalaan ang maliliit na sasakyang-pandagat na huwag munang pumalaot dahil sa malalaking alon. JOHNNY ARASGA


.. Continue: Remate.ph (source)



Bagyong ‘Paeng’ pumasok na sa PAR


Empleyado ng DAR, nabiktima ng ATM scam

LA UNION – Isang empleyado ng Department of Agrarian Reform (DAR) ang kamot ulo matapos siyang mabiktima ng automated telling machine (ATM) scam sa pagkuha ng bonus niya sa nasabing lalawigan kaninang umaga, Oktobeer 31.


Kinilala ng La Union police ang biktimang si Bernardo Carpio, staff ng DAR La Union.


Sa imbestigasyon, sinabing umabot sa P28,000 ang nakuha sa ATM ng biktima sa Land Bank, La Union branch.


Naideposito umano sa ATM nito ang P25,000 na katumbas ng monetization leave credits pero noong mag-check kung magkano ang laman nito noong Oktubre 27 ay umaabot na lamang ito sa P3,000.


Noong din Oktubre 28 napag-alaman na P739.52 na lamang ang natira.


Ayon sa bangko, nai-withdraw ang pera sa halagang P8,000 sa Metrobank sa lungsod ng La Union, habang ang P20,000 ay nai-withdraw sa BPI sa Angleles City, Pampanga.


Patuloy na nag-iimbestiga ang La Union police sa naturang kaso. ALLAN BERGONIA


.. Continue: Remate.ph (source)



Empleyado ng DAR, nabiktima ng ATM scam


Ex-principal hinahanting sa pagpatay sa kapatid

SINELYUHAN na kaninang umaga (Oktubre 31) ng pulisya ang lahat na lagusan sa Koronadal City para hindi makatakas ang isang retiradong school principal na pumatay sa kanyang kapatid nitong Huwebes ng hapon, October 31.


Ang tinutukoy na suspek na si Filoteo Alcallo, 65, ay dating principal ng isang pampublikong eskwelahan sa lungsod at may tinanggap na special citations dahil sa dedikasyon sa trabaho at may magandang relasyon sa lokal na komunidad.


Binaril ng 357 magnum revolver ni Filoteo ang kanyang kuya na si Francisco, 67, nitong nakaraang Huwebes ng hapon dahil sa pinag-aawayang lupa mula sa kanilang namayapang magulang na 6-ektarya sa Sitio Libertad sa Bgy. Topland.


Ayon kay Baltazar Bermil, chairman ng Bgy. Topland, nakatakas ang suspek bago pa dumating ang mga rumespondeng barangay tanod sa crime scene.


Bago ang pamamaril, nagtalo ang magkapatid hinggil sa kung sino ang dapat magmana ng naturang lupa hanggang sa makarinig na lamang ng sunod-sunod na putok ng baril. ROBERT TICZON


.. Continue: Remate.ph (source)



Ex-principal hinahanting sa pagpatay sa kapatid


Presyo ng tinapay at semento, bababa

SIMULA sa susunod na linggo ay bababa na ang presyo ng tinapay partikular na ang Pinoy Tasty at Pinoy Pandesal.


Ito ang magandang balita na inihatid ni Department of Trade and Industry (DTI) Undersecretary Victorio Mario A. Dimagiba kung saan ang Pinoy Tasty ay bababa ng P0.50 habang ang Pinoy Pandesal ay bababa naman ng P0.25.


Aniya, mula sa kasalukuyang P37.00 na presyo ng Pinoy Tasty ay magiging P36.50 na lamang habang ang Pinoy Pandesal na nabibili sa P22.50 kada sampung piraso ay magiging P22.25 na lamang.


Ang naturang pagbabawas ng presyo ay ipatutupad sa darating na Nobyembre 7 at ang patuloy umanong pagbaba ng presyo ng harina ang dahilan kung kaya’t bumaba ang presyo ng tinapay.


Inaasahang susunod na ibababa na rin ang presyo ng semento matapos ipatupad ang bawas-presyo sa tinapay.


Nabatid pa kay Dimagiba, bumababa ang presyo ng semento kung kaya’t binibigyan nila ng dalawang linggo ang mga cement retailers na magpatupad ng price adjustment. JAY REYES


.. Continue: Remate.ph (source)



Presyo ng tinapay at semento, bababa


Mga pupuntang sementeryo, ‘wag nang magsama ng bata — MNC

PINAALALAHANAN ng pamunuan ng Manila North Cemetery (MNC) at ng Manila South Cemetery ang (MSC) ang publiko partikular na ang mga dadalaw sa kanilang mga puntod sa mga naturang sementeryo na kung maaari ay huwag na silang magsama ng mga bata.


Ang naturang paalala ay ipinahayag sa publiko dahil inaasahaang dadagsain ng may 2.5-milyon katao ang MNC habang tinatayang nasa mahigit 750,000 katao naman ang pupunta sa MSC simula ngayong araw (Nobyembre 1) hanggang bukas (Nobyembre 2).


Kaugnay nito, una nang nanawagan ang officer-in-charge ng MNC na si Daniel “Dandan” Tan sa publiko na sakaling gusto nilang dalawin ang puntod ng kanilang mahal sa buhay ngunit hindi nila tiyak ang lokasyon ng mga ito ay inanyayahan niyang dalawin ang kanilang website na “manilanorthcemetery.tk” at i-type ang puntod locator.


“Kung nais naman ng mga dadalaw na dumiretso agad sa north cemetery at sakaling magkaroon ng problema ay bukas ang aking opisina upang tugunan at mabigyang-solusyon ang inyong pangangailangan,” paliwanag ni Tan.


Muling pinaalalahanan ni Tan at ni MSC officer-in-charge Raffy Mendez ang publiko na huwag nang bitbitin ang mga bagay na ipinagbabawal na dalhin sa loob ng sementeryo tulad ng sound system, alak, kutsilyo, gamit pang sugal, matutulis na bagay at ilang mga gamit na nakasasakit dahil kukumpiskahin lamang ito ng mga itinalagang awtoridad sa harapan ng sementeryo.


Samantala, personal na dinalaw kahapon ni Manila Mayor Joseph “Erap” Estrada ang yumao nitong kaibigan na tinaguriang “Hari ng Aksyon” na si Fernando Poe, Jr. sa MNC kung saan nag-alay ito ng kandila at panalangin. JAY REYES


.. Continue: Remate.ph (source)



Mga pupuntang sementeryo, ‘wag nang magsama ng bata — MNC


Undas, sinalubong ng rollback sa LPG

MAHIGIT P70 rollback sa presyo ng kada tangke ng liquefied petroleum gas (LPG) ang sasalubong sa mga konsyumer ngayong Undas.


Batay sa abiso ng Solane, mula alas-12 p.m., Sabado ng madaling-araw, ay matatapyasan ng P6.72 ang kada litro ng LPG o katumbas ng halos P74 kada 11-kilogram (kg) na tangke.


Gayundin ang tapyas-presyo ng Petron na may rollback sa Gasul at Fiesta Gas ng P7 kada litro o katumbas ng P77 kada 11-kg na tangke.


Bababa rin ang presyo kada litro ng Xtend AutoLPG sa P3.91 kada litro. ROBERT TICZON


.. Continue: Remate.ph (source)



Undas, sinalubong ng rollback sa LPG


Design proposal sa ‘rest house’ ni Binay, peke

MANILA, Philippines - Pinabulaanan ng arkitektong si Rodolfo Bongato ang deklarasyon ni Mercado na siya umano ang nagdisenyo ng isang rest house sa isang far .. Continue: Philstar.com (source)



Design proposal sa ‘rest house’ ni Binay, peke


‘Wag magtapon ng basura sa mga sementeryo - DENR

MANILA, Philippines - Hinimok ng Department of Environment and Natural Resources (DENR) ang publiko na huwag magkalat at magtapon ng basura sa mga sementeryo .. Continue: Philstar.com (source)



‘Wag magtapon ng basura sa mga sementeryo - DENR


Trabaho sa Gabinete hindi ‘toxic’

MANILA, Philippines - Itinanggi ng Malacañang na masyadong ‘toxic’ ang magtrabaho sa Gabinete ni Pangulong Aquino kaya nagkakasakit ang ilang opisyal nito. .. Continue: Philstar.com (source)



Trabaho sa Gabinete hindi ‘toxic’


25 pang akusado sa Maguindanao massacre, pinayagang magpiyansa

MANILA, Philippines - May 25 akusado pa sa Maguindanao massacre ang pinayagan kahapon ng QC court na makapagpiyansa para pansamantalang makalaya. .. Continue: Philstar.com (source)



25 pang akusado sa Maguindanao massacre, pinayagang magpiyansa


2 patay, 47 sugatan sa salpukan ng bus at trak sa Batangas

Dalawa ang nasawi, habang 47 na iba pa ang nasugatan matapos sumalpok ang isang pampasaherong bus sa isang trak sa Lipa, Batangas. .. Continue: GMANetwork.com (source)



2 patay, 47 sugatan sa salpukan ng bus at trak sa Batangas


Undas walang banta sa seguridad – AFP

MANILA, Philippines - Walang natatanggap na banta ang Armed Forces of the Philippines (AFP) mula sa mga lokal at internasyonal na mga teroristang grupo sa ba .. Continue: Philstar.com (source)



Undas walang banta sa seguridad – AFP


Dating sikat na PBA player na pinaslang noong Nobyembre 2, 1996

Kilala ba ninyo kung sino ang dating sikat na basketball player na naglaro sa PBA ang binaril at napatay ng kaniyang kaibigan dahil sa mainit na pagtatalo sa larong baraha noong Nobyembre 2, 1996? .. Continue: GMANetwork.com (source)



Dating sikat na PBA player na pinaslang noong Nobyembre 2, 1996


Dalagitang anak, nabuntis daw ng sariling ama

Nagbunga ang umano'y ilang ulit na panghahalay ng isang ama sa sarili niyang 15-anyos na anak sa Laoag City, Ilocos Norte. .. Continue: GMANetwork.com (source)



Dalagitang anak, nabuntis daw ng sariling ama


PNoy bibiyahe uli ngayong Nob.

MANILA, Philippines - Tatlong sunud-su­nod na biyahe sa labas ng bansa ang gagawin ni Pangulong Aquino sa buwang ito. .. Continue: Philstar.com (source)



PNoy bibiyahe uli ngayong Nob.


Hustisya para kay Laude, hangad din daw ng gobyerno

Hangad din umano ng pamahalaan ng Pilipinas na makamit ng Filipina transgender na si Jeffrey "Jennifer" Laude ang katarungan, at hindi mabasura ang kasong isinampa laban sa sundalong Amerikano. .. Continue: GMANetwork.com (source)



Hustisya para kay Laude, hangad din daw ng gobyerno


Operasyon ng MRT, LRT normal pa rin

MANILA, Philippines - Tuloy ang normal na operasyon ng Metro Rail Transit (MRT-3) at Light Rail Transit (LRT) ngayong Undas upang serbisyuhan ang mga tutungo .. Continue: Philstar.com (source)



Operasyon ng MRT, LRT normal pa rin


VP Binay, puwedeng ireklamo ng plunder dahil sa ‘Mafia-like’ scheme -- Cayetano

Maaari raw maharap sa panibagong reklamong pandarambong si Vice President Jejomar Binay dahil sa umano'y “systematic” at “Mafia-like” na paraan ng pagkamal ng iligal na yaman ng pamilya, ayon kay Senador Alan Peter Cayetano. Ilang ulit nang itinanggi ng pangalawang pangulo ang mga alegasyon laban sa kaniya at sa kaniyang pamilya. .. Continue: GMANetwork.com (source)



VP Binay, puwedeng ireklamo ng plunder dahil sa ‘Mafia-like’ scheme -- Cayetano


Anak ko, wag idamay! - Binay

MANILA, Philippines - “Sobra na!” .. Continue: Philstar.com (source)



Anak ko, wag idamay! - Binay


Pagsama ng P550 terminal fee sa airline tickets pinigil ng korte

MANILA, Philippines - Ipinatigil ng korte ng Pasay City ang pagpapatupad ng bagong kautusang isama na ang P550 terminal fee sa airline tickets sa lahat ng in .. Continue: Philstar.com (source)



Pagsama ng P550 terminal fee sa airline tickets pinigil ng korte


Pasaherong tumatalon sa barko babantayan

MANILA, Philippines - Todo bantay ang mga tauhan ng Philippine Coast Guard (PCG) sa mga pasaherong tumatalon sa mga pampasaherong barko ngayong nagsimula na .. Continue: Philstar.com (source)



Pasaherong tumatalon sa barko babantayan


WATCH: Pulis, kinuyog ng mga lalaking sinita niya dahil susukahan daw ang kaniyang nobya

Bugbog ang inabot ng isang pulis sa Davao City mula sa isang grupo ng kalalakihan na sinita niya dahil sa astang susukahan daw ang kaniyang nobya. Ang bugbugan, nakunan sa closed-circuit-television camera. .. Continue: GMANetwork.com (source)



WATCH: Pulis, kinuyog ng mga lalaking sinita niya dahil susukahan daw ang kaniyang nobya


MASAYANG ALA-ALA NI FLAVIER

BUHAT-BUHAT nina National Press Club Vice-President Benny Antiporda at Jeffrey Omambac ng Bombo Radyo si dating Senador Juan Flavier noong nagkokober pa sila sa Senado. Sa kabila ng kanyang pagyao, nakatatak pa rin sa isipan ng mga mamamahayag ang masayahin, mahusay at butihing senador.


.. Continue: Remate.ph (source)



MASAYANG ALA-ALA NI FLAVIER


PAALALA SA UNDAS

DAGSA ang mga pasahero sa Araneta bus terminal (inset), habang nag-inspeksyon at namigay ng leaflets sa mga pasahero si P/SSupt. Joel Pagdilao para sa seguridad at maayos na biyahe sa darating na Undas. VAL LEONARDO


.. Continue: Remate.ph (source)



PAALALA SA UNDAS


POONG NAZARENO

ANG Poong Nazareno na dinagdagsa ng mga deboto ng dalhin siya sa Brgy. 745, Zone 8,1 Zapanta, Malate, Maynila. RENE SANDAJAN


.. Continue: Remate.ph (source)



POONG NAZARENO


ASIONG BINISITA SI ‘D KING

DUMALAW si Manila Mayor Joseph ‘Erap’ Estrada sa Himlayan ni Fernando Poe, Jr. sa Manila North Cemetery bilang matalik na kaibigan at paggunita sa Araw ng Undas. EDDIE LEANILLO


.. Continue: Remate.ph (source)



ASIONG BINISITA SI ‘D KING


Mga kabataang bosero at pasaway, problema ngayon ng ilang Mayon evacuees sa Albay

Ang mga kabataang namboboso at pakalat-kalat sa ilang evacuation area sa Guinobatan, Albay ang panibagong sakit ng ulo ng ilang residenteng umalis sa kanilang tahanan bunga ng pag-alburoto ng bulkang Mayon. .. Continue: GMANetwork.com (source)



Mga kabataang bosero at pasaway, problema ngayon ng ilang Mayon evacuees sa Albay


4 na hinihinalang holdaper, patay sa engkwentro sa Bulacan

Apat na hinihinalang holdaper na nanloob daw sa isang kooperatiba sa Malolos, Bulacan ang napatay ng mga awtoridad matapos na makipagbarilan umano sa mga pulis nitong Biyernes ng umaga. .. Continue: GMANetwork.com (source)



4 na hinihinalang holdaper, patay sa engkwentro sa Bulacan


VP Binay: Instagram posts sa loob ng Batangas property, 'di patunay nang pagmamay-ari

Iginiit ni Vice President Jejomar Binay nitong Biyernes na ang mga post sa Instagram ng kanyang bunsong anak ay hindi patunay na pagmamay-ari ng pamilya ang lupain sa Rosario, Batangas, taliwas sa pinaniniwalaan ng mga bumabatikos sa kanya. .. Continue: GMANetwork.com (source)



VP Binay: Instagram posts sa loob ng Batangas property, 'di patunay nang pagmamay-ari


Thursday, October 30, 2014

Maulang 'Undas' malamang dahil sa bagyong 'Paeng'

MANILA, Philippines - Isang bagyo ang inaasahang papasok sa Philippine Area of Responsibility (PAR) ngayong Biyernes, ayon sa Philippine Atmospheric, Geophys .. Continue: Philstar.com (source)



Maulang 'Undas' malamang dahil sa bagyong 'Paeng'


25 bata pinalaya ng ISIS

TINATAYANG 25 kurdish school children ang pinakawalan na ng mga Islamic State militants kanilang dinukot noon pang Mayo.


Base sa ulat ng Syrian Observatory for Human Rights, ang 25 mga bata ay huling napakawalan matapos na ang 150 school children sa northern Syria.


Sinasabing ang pagpapalaya sa mga bihay ay bilang propaganda purpose lamang.


Matatandaang pinalaya rin ang may 15 mga bata para sa pakikipag-swap sa mga hostage ng mga IS fighters na dinukot ng mga kurdish forces. MARJORIE DACORO


.. Continue: Remate.ph (source)



25 bata pinalaya ng ISIS


DAGSA NA!

DAGSA na ang bumibili ng mga bulaklak sa Dangwa sa Maynila kahit tumaas ang mga presyo nito bilang paghahanda sa Undas. Eddie Leanillo


.. Continue: Remate.ph (source)



DAGSA NA!


GUSTO KO NYAN!

ITINURO ng mga batang ito ang maskarang pang-Halloween na patok na patok sa mga bata tuwing sumasapit ang Undas. Rene Sandajan


.. Continue: Remate.ph (source)



GUSTO KO NYAN!


P6-M halaga ng shabu, nasabat sa illegal drug ops sa Cebu City

Naaresto ang isang hinihinalang tulak ng droga at nasabat ang halos P6 milyong halaga ng methamphetamine hydrochloride (shabu) sa isang operasyon ng mga awtoridad na isinagawa sa Cebu City nitong Miyerkules. .. Continue: GMANetwork.com (source)



P6-M halaga ng shabu, nasabat sa illegal drug ops sa Cebu City


BI, naglabas ng deportation order vs Sueselbeck; hindi na rin puwedeng bumalik sa Pinas

Naglabas na ang Bureau of Immigration (BI) ng deportation order laban kay Marc Suesebeck, fiance ng pinaslang na transgender woman na si Jeffrey 'Jennifer' Laude, upang makaalis na siya ng Pilipinas pero hindi na puwedeng bumalik pa sa bansa. .. Continue: GMANetwork.com (source)



BI, naglabas ng deportation order vs Sueselbeck; hindi na rin puwedeng bumalik sa Pinas


OVERPRICING NI DRILON SA P1-BILYON AT ANG BLUE RIBBON

KINASUHAN na si Senate President Franklin Drilon ng plunder o pandarambong sa Office of the Ombudsman kaugnay ng proyekto nitong Iloilo Convention Center.


Si dating Provincial Administrator Manuel Mejorada ang nagsampa ng kaso at nagsabing overpriced ang proyekto ni Drilon.


Sinasabing galing sa Priority Development Assistance Fund at Disbursement Acceleration Program ang mga pondong ginamit dito.


Simple lang naman ang paliwanag ni Senate President.


Ang Department of Public Works and Highways ang nagsagawa ng lahat ng pasubasta at paggawa ng proyekto ito na lang umano ang dapat na magpaliwanag.


Basta wala umano siyang naging papel kundi magsagawa ng panukalang batas na naaprubahan naman ito para sa proyekto, kabilang na ang karampatang pondo.


Wala umano siyang kinalaman sa overpricing kung meron man at lalong naniniwala siya na walang overpricing.


P488M ANG OVERPRICE


Habang naghuhugas ng kamay si Mr. President kung tawagin sa mga imbestigasyon sa Senado, sinasabi naman ni Mejorada na dating ring staff member ni Drilon sa Senado, na marumi ang kamay ni Drilon sa proyekto.


Pero may kasabwat umano siya sa iligal na kita na nagkakahalaga ng P488M mula sa P1B pondo ng convention Center.


Pinangalanan ni Mejorada na kasabwat ni Drilon sina DPWH Sec. Rogelio Singson at Tourism Secretary Ramon Jimenez.


Syempre pa, nagpaliwanag na rin si Sec. Singson at pinasinungalingan ang mga paratang ni Mejorada.


Mali umano ang paghahambing ni Mejorada sa presyo ng isang gusali na malapit sa convention center na napakamura habang nakapagtatakang mahal ang proyekto ni Drilon.


May sarili umanong katangian ang convention center na kailangang gastusan nang todo upang maging matibay talaga ito.


Ewan lang natin kung ano naman ang isasagot ni Sec. Jimenez. Habang sinusulat natin ito, mga Bro, hindi pa natin naririnig ang boses ni Jimenez.


AKSYON NG SENADO


Isang tanong lang sa Senado, mga Bro, lalo na sa Blue Ribbon Committee na pinamumunuan ni Sen. TG Guingona at kasapi rito sina Sen. Alan Cayetano at Sen. Koko Pimentel.


Iimbestigahan din ba ninyo ang kasong ito at kalkalin kung paano na nasangkot dito ang PDAF at DAP ni Drilon?


Kung naimbestigahan noon sina Mang Johnny, Jinggoy at Bong at ngayo’y dinidikdik si Vice-President Binay, magpapatawag din ba sina Guingona ng imbestigasyon in “aid of demolition”, ehek, in aid of legislation?


Nagtatanong lang po!


Kung hindi kayo interesado riyan sa Blue Ribbon Committee, happy Undas na lang po sa inyo.


Kayo na rin yata ang dahilan kung bakit umatras na ni PNoy sa second term at charter change.


o0o

Anomang reklamo o puna ay maaaring iparating sa www.remate.ph o i-text sa 09214303333. ULTIMATUM/BENNY ANTIPORDA


.. Continue: Remate.ph (source)



OVERPRICING NI DRILON SA P1-BILYON AT ANG BLUE RIBBON


VP BINAY, BITAY SA BITAG

TIYAK na bitay ang aabutin ni Vice-President Jejomar Binay sakaling mapikon ito sa patuloy na pag-anyaya sa kanya na dumalo sa pagdinig sa Senado kaugnay sa isyu ng pagnanakaw sa kaban ng bayan.


Ito ang hinihintay ng Senado upang maipit sa harap ng publiko si Binay habang itinatanggi ang paratang laban sa kanya. Aba’y mahirap pabulaanan ang katotohanan.


Kahit sinong tao, may dunong man na katulad ni Binay o wala, matutukoy ng mga manonood kapag kasinungalingan na ang sinasabi. May pipikit-pikit, may paubo-ubo o ang iba naman ay galit-galitan.


Ang tanging pag-asa na lamang ngayon ni Binay ay ipaunawa sa taumbayan na pamumulitika ang nangyayaring pagdinig sa Senado para gibain ang kanyang pangarap na maging susunod na Presidente ng bansa.


Mahihirapan na ang kampo ni Binay na salungatin ang matagal nang plano at estratehiya sa paglalatag ng mga ebidensya at mga taong magdidiin sa kanya lalo na kung totoo ang mga paratang.


Kung ako kay Binay, iikot na lang ako ng iikot sa buong bansa hanggang sa dumating ang panahon ng kampanyahan sa susunod na taon dahil sa Senado… walang kabuhay-buhay si Binay.


Magaling yung Atty. Bautista sa kanyang punto patungkol sa sarswelang pampulitika nang humarap ito sa Senado. Ganoon na lang talaga ang salag doon upang ilihis ang atensiyon ng taumbayan sa isyu ng pagnanakaw ni Binay.


Hindi na dapat pang pag-isipan pa ni Binay kung dadalo siya sa Senado. Huwag na siya dapat mapikon sa mga patutsada dahil kapag nagkataon ay suwak ang Binay sa bitag ng Sub-Committee ng Blue Ribbon Committee.


May isa pang paraan upang makaiwas si Binay sa bitag ng Senado. Takbo ng ospital pagkatapos ay ibalita sa publiko na mayroon siyang karamdaman. Medyo gagamit ng preno ang Senado kapag ganyang ang sitwasyon. Hehehehehe!


Subok na si Senador Alan Peter Cayetano sa eksenang may sakit gaya nang nangyari kay dating FG Mike Arroyo at maging kay Aling Gloria. Todo preno si Cayetano nang magkasakit ang mga Arroyo. Takbo na, VP Binay!


***

Para sa komento o suhestyon: eksperto71@gmail.com EKSPERTO/JOIE O. SINOCRUZ, Ph.D.


.. Continue: Remate.ph (source)



VP BINAY, BITAY SA BITAG


OVERPRICING NI DRILON SA P1-BILYON AT ANG BLUE RIBBON

KINASUHAN na si Senate President Franklin Drilon ng plunder o pandarambong sa Office of the Ombudsman kaugnay ng proyekto nitong Iloilo Convention Center.


Si dating Provincial Administrator Manuel Mejorada ang nagsampa ng kaso at nagsabing overpriced ang proyekto ni Drilon.


Sinasabing galing sa Priority Development Assistance Fund at Disbursement Acceleration Program ang mga pondong ginamit dito.


Simple lang naman ang paliwanag ni Senate President.


Ang Department of Public Works and Highways ang nagsagawa ng lahat ng pasubasta at paggawa ng proyekto ito na lang umano ang dapat na magpaliwanag.


Basta wala umano siyang naging papel kundi magsagawa ng panukalang batas na naaprubahan naman ito para sa proyekto, kabilang na ang karampatang pondo.


Wala umano siyang kinalaman sa overpricing kung meron man at lalong naniniwala siya na walang overpricing.


P488M ANG OVERPRICE


Habang naghuhugas ng kamay si Mr. President kung tawagin sa mga imbestigasyon sa Senado, sinasabi naman ni Mejorada na dating ring staff member ni Drilon sa Senado, na marumi ang kamay ni Drilon sa proyekto.


Pero may kasabwat umano siya sa iligal na kita na nagkakahalaga ng P488M mula sa P1B pondo ng convention Center.


Pinangalanan ni Mejorada na kasabwat ni Drilon sina DPWH Sec. Rogelio Singson at Tourism Secretary Ramon Jimenez.


Syempre pa, nagpaliwanag na rin si Sec. Singson at pinasinungalingan ang mga paratang ni Mejorada.


Mali umano ang paghahambing ni Mejorada sa presyo ng isang gusali na malapit sa convention center na napakamura habang nakapagtatakang mahal ang proyekto ni Drilon.


May sarili umanong katangian ang convention center na kailangang gastusan nang todo upang maging matibay talaga ito.


Ewan lang natin kung ano naman ang isasagot ni Sec. Jimenez. Habang sinusulat natin ito, mga Bro, hindi pa natin naririnig ang boses ni Jimenez.


AKSYON NG SENADO


Isang tanong lang sa Senado, mga Bro, lalo na sa Blue Ribbon Committee na pinamumunuan ni Sen. TG Guingona at kasapi rito sina Sen. Alan Cayetano at Sen. Koko Pimentel.


Iimbestigahan din ba ninyo ang kasong ito at kalkalin kung paano na nasangkot dito ang PDAF at DAP ni Drilon?


Kung naimbestigahan noon sina Mang Johnny, Jinggoy at Bong at ngayo’y dinidikdik si Vice-President Binay, magpapatawag din ba sina Guingona ng imbestigasyon in “aid of demolition”, ehek, in aid of legislation?


Nagtatanong lang po!


Kung hindi kayo interesado riyan sa Blue Ribbon Committee, happy Undas na lang po sa inyo.


Kayo na rin yata ang dahilan kung bakit umatras na ni PNoy sa second term at charter change.


o0o

Anomang reklamo o puna ay maaaring iparating sa www.remate.ph o i-text sa 09214303333. ULTIMATUM/BENNY ANTIPORDA


.. Continue: Remate.ph (source)



OVERPRICING NI DRILON SA P1-BILYON AT ANG BLUE RIBBON


ABUSADONG SUPREME COURT (1)

KUNG minsan hindi natin masisisi itong si PNoy kung bakit madalas siyang nagmamarkulyo dahil sa pakikialam ng Supreme Court. Sadya naman kasing kapag minsan (hindi naman palagi) ay may mga bagay na nanghihimasok ang ating mga hukuman kahit wala na ito sa lugar.


Maliwanag po sa ating Saligang Batas na pantay-pantay o co-equal ang ating ehekutibo, ang ating hudikatura at ang ating lehislatura. Ngunit tila ang nangyayari ngayon ay pinakialaman na lahat ng Korte Suprema ang bawat aksyon at desisyon ng ehekutibo at ng lehislatura kahit hindi na ito itinatadhana ng kanilang kapangyarihan sa ilalim ng ating Saligang Batas.


Ang masaklap, tila wala namang kapangyarihan ang alinman sa dalawang sangay ng ating pamahalaan ang may kapangyarihang supilin ang anomang pang-aabuso ng ating mga hukom.


Isang napakagandang halimbawa itong electoral protest sa Marinduque na isinampa laban kay Congresswoman Regina Reyes na bagama’t ito ay isang isyung politikal ay pinanghihimasukan din ng hudikatura.


Ito’y kahit napakalinaw na may conflict of interest ang isa sa Senior Justices dahil anak nito ang tinalo ni Reyes. Hindi ba alam ito ni Supreme Court Chief Justice Maria Lourdes Sereno?


Abah naman, Chief Justice, bakit mo naman pinapayagan na gamitin sa politika ang hudikatura at pinapayagan mong baluktutin ang buod at sustansya ng ating mga batas?


Isang magandang halimbawa itong kaso ni Reyes na ang isa sa kanyang mga naging katunggali sa nakalipas na halalan ay ang anak ni Senior Associate Justice Presbitero Velasco na si Lord Allan Jay Velasco.


Bagama’t ang pagtakbo ni Reyes ay pilit na hinarang ni Velasco gamit ang isyu sa kanyang citizenship ay inilampaso ni Reyes si Velasco.


Nagprotesta ang kampo ni Velasco na gumamit pa ng ibang tao upang harangin ang pag-upo ni Reyes subalit dahil tapos na ang halalan, malinaw na malinaw sa ating batas na ang responsibilidad ng pagpapasya sa mga election protest sa Mababang Kapulungan ay nakaatang sa balikat ng House of Representatives Electoral Tribunal (HRET).


Malinaw sa ating Saligang Batas sa ilalim ng Section 17, Article 6 na tanging ang HRET lamang ang may kapangyarihang magpasya sa anomang mga protesta na may kinalaman sa isang halal na kongresista. Sa kaso ng mga Senador, ito ay dadaan naman sa Senate Electoral Tribunal (SET).


In short, ang mga isyung gaya ng protesta laban kay Reyes ay maaari lamang desisyonan ng HRET. Ngunit tila hindi ito tanggap ng Korte Suprema at pilit na binabaliktad ang desisyon ng HRET. Ito naman ang hihimayin natin sa ikalawang bahagi ng isyung ito.


***

Para sa inyong komento at suhestyon, mag-email lamang sa gil.bugaoisan@gmail.com. BIGWAS/GIL BUGAOISAN


.. Continue: Remate.ph (source)



ABUSADONG SUPREME COURT (1)


KABABALAGHAN

ISANG uri o form of entertainment ang mga takutan o horror act.


Sa kung anong dahilan, gusto ng maraming tao ang horror movies o horror tricks tulad ng mga mayroon sa mga perya o mga entertainment house or amusement park.


Kahit sa sikat na Disneyland may horror acts or ghost towns at dinudumog talaga ng mga tao.


Ang horror movies, kahit minsan ay mababaw ang istorya ay kumikita pa rin sa takilya. Gusto ng tao na matakot at tinatakot.


Dito sa atin, iniaangat ang level ng takutan tuwing sasapit ang Undas.


Kumikita ang mga horror costume, mas nakatatakot mas mabili sa tindahan.


‘Yung mas nakakadiri at nakaririmarim ay mas kinatutuwaan.


Kaya naman malakas ang komersyo ng mga nakatatakot na paninda ‘pag ganitong panahon.


Lahat ng item sa malls, mula sa mga dekorasyon hanggang sa maliliit na item ay may tanda na ng All Saint’s and All Soul’s Day.


Magandang idea siguro ang isang horror tourism.


Tatalakayin natin ito ng mas malalim pero bilang panimula ang suggestion ko ay ikonsidera na magkaroon ng mga tourist spot all over the country na pwedeng tawagin na parte ng isang “horror tourism.’


Maraming kwento ng kababalaghan ang ating mga kababayan mula sa iba’t ibang panig ng bansa. At alam ko na marami ang gustong makarinig ng mga kwentong ito at marami marahil ang gustong personal na ma-experience.


Halimbawa, isang napakalaking balete tree sa isang bayan sa Mindoro na pinaniniwalang isang kaharian ng mga engkanto. At kapag nakita mo ang nasabing puno ay tatayo talaga ang iyong balahibo.


Napakarami ang sumisilip sa punong ito.


May kwento rin ng mga sinasapian daw ng mga maligno sa isang malayong bayan naman, may mga tao o pamilya na hindi nangingiming magkwento kahit kanino ng paniniwala nila sa maligno.


Parang story-telling experience, sigurado ako na marami ang magiging interesado.


Mayaman sa ganitong kwento ang ating kultura. Marahil ay pwede natin itong gawing paraan para maimbitahan ang mga turista sa panig ng ating bansa na pinagmumulan ng mga kwento ng kababalaghan.


***

Mag-email ng inyong reaksyon sa ariel.inton@gmail.com or text sa 09178295982 o 09235388984. SIBOL/ATTY. ARIEL ENRILE-INTON


.. Continue: Remate.ph (source)



KABABALAGHAN


DOH chief Ona, hindi raw sinibak ni Aquino

Nilinaw ni Presidential Spokesperson Secretary Edwin Lacierda na hindi nagbitiw at hindi rin sinibak ni Pangulong Benigno "Noynoy" Aquino III si Health Secretary Enrique Ona. .. Continue: GMANetwork.com (source)



DOH chief Ona, hindi raw sinibak ni Aquino


PUPPET, PAPET O TUTA

SADYANG mahusay na kaalyado si Don Benigno Aquino III (SDA3) sa kanyang mga kapartido’t mga kaibigan.


Gayundin naman siya bilang amo’t tagapangalaga ng kanyang mga puppet, papet o tuta. Give and take talaga sila.


Nakita naman ng taumbayan kung gaano kaganid at kakorap ang mga tauhan ni PNoy.


Sabit na sa lahat ng uri ng korapsyon at pangingikil, wala man lang naparurusahan o maski natatanggal.


Mistulang si Don Benigno pa ang tagapagsalita’t abogado ng mga ganid, eh. Dahil mahusay siyang amo ng kanyang mga puppet, todo naman ang pagsunod, kakambal ang pambobola sa kanya – ISA PA!


Itong huli ay tumahol sina Cong. Emilio Barzaga at Abigail Valte kontra sa lumalawak na panawagan para magbitiw si PNoy sa puwesto.


Ang nanawagan ay ang National Transformation Council (NTC) na itinaguyod ng ecumenical group at ng BAYANKO mula sa mga pribadong indibidwal at grupo. Ang postura ng NTC at Bayanko ay wala munang eleksyon kundi pagbabago ng kabuuang bulok na sistemang umiiral sa bansa.


Itama ang mga patakaran. Patalsikin ang mga bulok na politiko, kasama mga political donorsnila kada eleksyon.


Una ang pagbabago ng Saligang Batas na nilikha ng 49 na katao lamang.


Nakita naman natin ang epekto ng 1987 Constitution ni Cory Aquino na nanay ni Don Benigno. Makitid, mapaghiganti at sarado sa diwa ng pangkaunlaran.


Kasunod niyan ang pagbabago ng sistemang politikal para matigil na ang mapanghimasok at mapagsamantalang mga politiko. Mula sa tipikal na Kongreso at gagawin na PARLIAMENTO.


Ito’y para madaling patalsikin ang sinomang hindi tumutupad sa kanilang trabaho. Ilan lang iyan sa tunguhin ng NTC at Bayanko. Maabot ang dalawang kilusan sa Facebook at Twitter.


Dahil sa tono ni Aquino na “ISA PA…” batay raw sa boses ng kanyang mga boss, agad na kumahol sina Barzaga at Valte.


0Pinuna nila “ang mga kritiko mula sa NTC at Bayanko” na makasarili raw. Ayaw raw kasi ng dalawang grupo na makipag-usap kay PNoy na madali lang naman daw kausapin?


Puppet, papet o talagang tuta sina Barzaga at Valte. Natural dahil busog na busog sila sa pondo na tila buto na paborito ng mga aso!


Ang tanong natin sa dalawang tuta ni Aquino, inimbitahan ba ninyo kahit pakunwari ang NTC at ang Bayanko?


Sarado ang utak ng amo ninyo, alam ninyo iyan. Para sa kanya, ang kaaway ay kaaway niya habambuhay! BALETODO/ED VERZOLA


.. Continue: Remate.ph (source)



PUPPET, PAPET O TUTA


2 kaalyado ni VP Binay, 'di pinasali sa Senate probe tungkol sa Makati building

Dahil hindi sila imbitado at itinuturing na nag-"gatecrash," hindi pinayagan ng Senate blue ribbon subcommittee ang dalawang kaalyado ni Vice President Jejomar Binay na makapagsalita sa isinagawang imbestigasyon tungkol sa umano'y overprice na pagpapatayo sa Makati City Hall Building II. .. Continue: GMANetwork.com (source)



2 kaalyado ni VP Binay, 'di pinasali sa Senate probe tungkol sa Makati building


SK ELECTION TSINUTSUBIBO AT HELMET NI GEN. RAÑOLA

TALSIK-LAWAY lamang ang pagsasabi ng mga mambabatas na oki sa kanila ang Sangguniang Kabataan at magkaroon ito ng halalan.


Pero ang halalan ay atras-abante sa mga panukalang nakahain sa Kamara at walang nakasisiguro talaga kung ito’y isasagawa o hindi dahil pag-aaralan pa umano ang mga dapat na pagbabago sa SK.


Heto ang sinasabi ng Kamara sa Ingles.


The House of Representatives Committee on Suffrage and Electoral Reforms approved the substitute measure which will be scheduled for plenary consideration.


The panel chairman Capiz Rep. Fredenil Castro noted that the substitute bill is a consolidation of House Bill (HB) 5006 and HB 5043 which does not cover the proposed reorganization of the youth council.


Castro reiterated that it is important to thoroughly scrutinize the proposed reform of the SK which is said to be “much-politicized” and “graft-tainted.”


The SK elections was originally set on Oct. 28, 2013 but was postponed to Feb. 21, 2015 to allow Congress to reform the youth council.


-o0o-


Kaya naman pala wala pa ring nangyayaring operasyon laban sa iligal na sugal ang tanggapan ni C/Supt. Henry Rañola, ang bagong Director ng SPD.


Dahil isang opisyal na malapit umano kay Gen. Rañola ang tumatanggap ng “lagay” para sa opisina ng magiting na District Director.


Ha? King-ina, puro bukol na pala agad ang inabot ni General pero ni hindi man lang nito naramdaman!


Para mapatunayan mo Gen. Ranola na ipinangungolekta ka ay ipasilip mo ang mga makina ng video-karera (VK) na inilatag sa PCP-2 (Pasay) ng pulis na si SP01 Latore.


At ipaipit mo si Sarge para siya na mismo ang sisiwalat sa iyo kung gaano na kalaki ang iyong bukol! BURDADO/JUN BRIONES


.. Continue: Remate.ph (source)



SK ELECTION TSINUTSUBIBO AT HELMET NI GEN. RAÑOLA


Na-turned off ang mga tao nang magpakatibo masyado!

NAKALULURKEY itong si Charice Pempengco. Say ng aming mga kaibigan na mga bayot, okay naman sana na lumantad na siya bilang isang tomboy at tanggap naman ito ngayon sa ating lipunan. Kaya lang, sumobra na yata ang pagkilos lalaki nito at binurdahan pa ang katawan ng tattoo at nagmukha tuloy galing sa penal colony. Dumarami ang turned-off sa kanya maging sa pananalita ay barakong barako.


Kami rin napupuna namin itong pananamit at kilos ni Charice at totoo ngang OA na siya.


Kagabi lang pinanood namin ang kanyang concerts sa internet sa YouTube. Nakabistida siya at minsan naka-gown sa tuwing lalabas na siya sa stage. Babaeng-babae siya na siyang bagay sa kanya.


Nang lumantad na siya sa pagkabarako, nag-iba na ang tingin ng mga tao sa kanya at tila nawalan ng gana. Kaya hindi kami nagtataka na hindi na rin siya masyadong tinangkilik sa bawat magsyu-show siya sa abroad bitbit ang kanyang dyowa. Sa true, pakonti nang pakonti ang kanyang audience sabi ng source na nagbalita sa amin. At sino nga naman ang gaganahang panoorin siya na lalaking lalaki? Di bale man lang kung isa siyang rakista. Aba’y biritera siya.


In fairness naman sa kanya, magaling pa rin siyang kumanta at ang boses iyon pa rin na hinangaan ng maraming fans lalo na ang mga Amerikano.


Meron naman tayong mga singers rin na tomboy na nakabistida kapag nagpi-perform on stage at okay naman sa kanila. Inuulit namin, magaling pa rin itong kumanta at mag-perform ng bonggang-bongga. Iyan ang katotohanan. Ciao Bambino! MEMORABILIA/MATUK ASTORGA


.. Continue: Remate.ph (source)



Na-turned off ang mga tao nang magpakatibo masyado!


Bumigay ang katawan sa tindi ng pagdadalamhati

NILINAW ni Ritz Azul na hindi si Edward Mendez ang dahilan kaya ‘di niya sinagot ang direktor na si GB Sampedro. Hindi rin daw totoo na binasted niya si Direk GB.


“Hindi ko po siya (Direk GB) binasted. Siya po ‘yung parang biglang nag-fade away. Biglang wala na kaming communication. Pero ngayon po medyo nagte-text na siya ulit sa akin,” paliwanag ni Ritz.


Leading man ni Ritz si Edward sa special episode ng WATTPAD Presents “Savage Cassanova” sa TV5 na sinundan ng almost 2-million Wattpad readers for this week.


Walang kaplastikan naman na sinabi ni Ritz na hindi siya natakot na mawalan ng project sa TV5 dahil kay Nadine Samonte noon. Para sa kanya, ang kalaban niya ay ang kanyang sarili. Depende na lang daw sa kanya kung iaangat niya ang sarili o hindi.


Kung meron man daw siyang kinainggitan kay Nadine ngayon, eto ‘yung chance na nakakatatalon ang dating Kapuso star sa ibang network.


“Doon ako medyo, gusto ko’ng ma-try ‘yun, haha!”


Nabalitaan daw kasi niya na iba ang experience working with another network. Pero hindi naman daw ibig-sabihin gusto na niyang mag-ober da bakod. “Naku! Hindi ko masagot, haha! Pero ngayon, napag-uusapan na namin ng management kung ano ang plans nila for me. Alam din nila na one year na lang ‘yung contract ko sa kanila,” sambit ni Ritz.


Sobrang satisfied daw siya working with TV5. Dito raw siya medyo nakilala at nagpapasalamat siya sa opportunities na binibigay ng network sa kanya.


Anyway, mapanonood ang WATTPAD Presents “Savage Cassanova” sa TV5 9:30 pm from Monday to Friday.


-ooOoo-


Few days from now ay kaarawan na ng Star For All Seasons at Batangas Governor na si Vilma Santos. Tinanong namin ang kanyang anak na si Luis Manzano kung ano ang regalo niya sa kanyang ina sa presscon ng bago niyang pelikula, ang Moron 5.2: The Transformation directed by Wenn Deramas.


“Kasi galing ako sa States, nawala sa isip ko. So, baka bigyan ko siya ng problema this year,” biro ni Luis.


Ayon kay Luis, nagka-ulcer ang mommy niya pagkatapos mamatay ng “right hand” nitong si Aida. Medyo bumigay raw ang katawan ng mommy niya pero okey na raw ngayon. Pero tingin ni Luis, magpo-focus ulit sa showbiz si Gov. Vi after her term.


“I was in the States, I was reading a lot of articles, si Tito Ralph (Recto) released a statement or having an interview, and he said my mom, so far, had no political plans. No plans of running for higher office. So, siguro kung mag-rest siya, sige mag-showbiz muna,” lahad niya.


Malay natin dumating si Gov. Vi sa premiere night ng Moron 5.2 either sa Market! Market! or sa SM Megamall on November 4? Pero ang showing ng “Moron 5.2” is on November 5. SWAK NA SWAK/JULIE BONIFACIO


.. Continue: Remate.ph (source)



Bumigay ang katawan sa tindi ng pagdadalamhati


Goma takot makarma

ISA sa mga actor na masasabing naging faithful sa wife hanggang ngayon ay si Richard Gomez.


Puring-puri nga si Goma (tawag kay Richard) dahil never siyang na-link sa kahit kanino babae pagkatapos ikasal kay Lucy Torres.


As in, never na siyang tumingin sa ibang babae na bihirang katangian ng isang married man, Kadalasan kasi ay nababalita na may babae itong itinatago o may kinababaiiwan pa kahit may asawa na.


Sabi ay natatakot daw siguro si Goma na mangloko dahil babae ang panganay nila ni Lucy at baka ang anak ang magdusa or magbayad.


“Naisip ko rin ‘yan. Lalo na kapag babae ang anak mo. Syempre gusto mo maging maayos ang buhay hanggang sa paglaki niya. Magkaka-boyfriend din siya, ayaw mo na mapariwara, ayaw mo na kung ano’ng kalokohan ang ginagawa,” say ni Goma.


Tinanong si Goma, kung paano niya nagawang maging matatag sa tawag ng tukso, lalo na sa tulad niya na malapit ang tukso?


“Siguro, na-enjoy ko kasi ‘yung single life kaya nang mag-asawa ako ay patingin-tingin na lang ako. Kung baga sa turu-turo hanggang turo na lang ako.”


Hindi naman itinanggi ni Goma na minsan ay muntik na siyang matukso.


“Self-control lang talaga. Mahirap man pero kailangan. Syempre may pamilya ka na. Mahirap na baka may mangyari doon sa babae, baka mabuntis. Ang laking gulo ‘yun,” aniya.


Besides, maayos naman daw ang relasyon nila ni Lucy. Alhough hindi naman daw perfect ang marriage nila. They manage to work things out at maging masaya together.


ooo


Walang pakialam si Assunta de Rossi sa lovelife ng kapatid na si Alesandra de Rossi. Ni ayaw nga niyang kumpirmahin or itanggi kung sina Alex at Sid Lucero na nga ba talaga.


Nang una kasi namin makausap si Assunta ay si Alex pa raw ang nagbibigay sa kanya ng payo.


Feeling nga raw ni Alex ay mas matandang kapatid niya ito. Ito pa ang nagagalit kapag may nagawang hindi maganda si Assunta.


Saka nasa hustong edad na raw si Alex kaya alam na raw nito kung ano ang tama at mali.Pero kung hihingin daw ang payo niya ng kapatid ay all-out siyang magbibigay ng payo. Pero knowing her younger sister daw ay hindi na kailangan. Basta ang importante raw sa ngayon ay kung saan masaya si Alex ay doon siya at kanyang susuportahan.


Saka hindi naman daw siya close kay Sid para magbigay ng reaction kung tama ba or hindi tama maging boyfriend ni Alex. TEKA MUNA/GERRY OCAMPO


.. Continue: Remate.ph (source)



Goma takot makarma


Koreano huli sa marijuana

SWAK sa kulungan ang isang 20-anyos na Koreano matapos madakip ng pinagsanib na puwersa ng Philippine Drug Enforcement Agency (PDEA) at PNP sa isang buy-bust operation sa La Union nitong nakalipas na Lunes, Oktubre 27, 2014.


Kinilala ni PDEA Director General Undersecretary Arturo G. Cacdac, Jr. ang suspek na si Sangsu Kim, walang trabaho, ng Bgy. San Francisco, San Fernando City.


Ayon sa PDEA, dakong 4:05 ng hapon nang madakip ang suspek ng mga operatiba ng PDEA Regional Office 1 sa ilalim ni Director Adrian Alvariño sa pakikipagtulungan ng San Fernando City Police dahil sa pagbebenta ng pinatuyong dahon ng marijuana na nakalagay sa transparent plastic sachet sa isang poseur-buyer sa Bgy. Pagudpud, San Fernando City, La Union.


Nang kapkapan ang suspek na si Kim nakuha pa sa kanyang pag-iingat ang nakarolyong papel na naglalaman ng marijuana, isang mobile phone at P1,000 marked bill na ginamit sa buy-bust money.


Kasalukuyan ngayong nakapiit ang suspek at nahaharap sa kasong paglabag sa section 5 (Sale of Dangerous Drugs) at Section 11 (Possession of Dangerous Drugs), Article II of Republic Act 9165, o ang The Comprehensive Dangerous Drugs Act of 2002. SANTI CELARIO


.. Continue: Remate.ph (source)



Koreano huli sa marijuana


Home service embalsamo at ataul delivery, inaalok ng isang punerarya sa Sarangani

Gusto mo bang sa bahay na lang gawin ang pag-embalsamo sa pumanaw na mahal sa buhay at door-to-door delivery ang order na ataul? Sa Glan, Sarangani, isang punerarya ang kayang magbigay ng kaniyang klase ng serbisyo sa pamamagitan ng kanilang iniaalok na total funeral package. .. Continue: GMANetwork.com (source)



Home service embalsamo at ataul delivery, inaalok ng isang punerarya sa Sarangani


Jinggoy walang Halloween

TULUYAN nang ibinasura ng Sandiganbayan ang hirit ni Senador Jinggoy Estrada na pansamantalang makalabas ng kulungan upang makadalaw sa puntod ng mga yumaong mahal sa buhay ngayong Undas.


Sa dalawang pahinang resolusyon ng Fifth Division, iginiit nitong gaya ng ibang bilanggo ay may mga karapatan si Estrada na itinatadhana ng Saligang Batas subalit hindi maaaring magamit lahat.


Kung papayagan nila si Estrada, magbibigay aniya ito ng maling halimbawa at gagawing katatawanan ang justice system ng bansa.


Ikinatwiran din ng anti-graft court na dagdag-gastos lang sa gobyerno ang hirit ni Estrada dahil bibigyan ito ng seguridad.


Una nang hiniling ng akusado sa multi-bilyong pork barrel scam na limang oras na makalabas sa Nobyembre 1 para mabisita ang puntod ng mga mahal sa buhay sa San Juan Cemetery pati ang libingan ng matalik na kaibigan at aktor na si Rudy Fernandez sa Heritage Park sa Fort Bonifacio. ROBERT TICZON


.. Continue: Remate.ph (source)



Jinggoy walang Halloween


Ex-DOH Juan Flavier pumanaw na

MANILA, Philippines - Sumakabilang-buhay na si dating Health secretary at Sen. Juan Flavier ngayong Huwebes dahil sa pneumonia sa edad na 79. .. Continue: Philstar.com (source)



Ex-DOH Juan Flavier pumanaw na


Bading na tumanggi sa sex, tinarakan

ISANG beautician ang malubhang nasugatan makaraang pagsasaksakin ng isang lalaki matapos tumanggi ang sa alok na sex sa Quezon City kagabi, Oktubre 29, Miyerkules.


Kinilala ang biktimang si Ricardo Ferrer, 30, binata, ng 1C Manalo St., Bgy. San Francisco Del Monte, QC.


Si Ferrer ay kasalukuyang inoobserbahan sa Quezon City General Hospital (QCGH) dahil sa tinamong saksak sa katawan.


Nakapiit ngayon ang suspek na nakilalang si Juan Paolo Talastas, 19, binata, walang trabaho, ng July St., Congressional Village, Bgy. Bahay Toro, QC.


Ayon sa ulat ng Quezon City Police District (QCPD) station 3 – Talipapa, naganap ang insidente sa loob ng Kino Salon sa kahabaan ng Benefit St., Bgy. Sangandaan dakong 7:00 kagabi.


Sinabi sa ulat na bago naganap ang insidente, nasa loob umano ng nasabing parlor ang biktima nang biglang dumating ang suspek.


Nag-alok umano ang suspek na si Talastas ng serbisyo ng sex sa biktima na tinanggihan naman ng huli.


Matapos ito, umalis ang suspek ngunit makalipas ang ilang minuto ay bumalik ito sa na may dala nang patalim saka pinagsasaksak ang biktima.


Patakas na sana ang suspek nang madakip ito ng mga barangay tanod ng Bgy. Sangandaan.


Kasalukuyan ngayong nakapiit ang suspek at nahaharap sa kaso. SANTI CELARIO


.. Continue: Remate.ph (source)



Bading na tumanggi sa sex, tinarakan


Orcollo imbitado sa World Pool Masters

BINIGYAN ng imbitasyon sina former world champions Dennis “Robocop” Orcollo at Francisco “Django” Bustamante na tumumbok sa 22nd edition ng World Pool Masters na gaganapin sa Portland Centre sa Nottingham sa Nobyembre 14 hanggang 15.


Pero si 2011 WPA World Eight-Ball Champion Orcollo lang ang sasargo dahil hindi makakasali si 2010 WPA World 9-Ball champion Bustamante.


May 16 na matitikas na bilyarista sa buong mundo ang pipina sa tatlong araw na kumpetisyon na may $20,000.00 gantimpala habang ang papangalawa ay may $10,000.00 premyo.


Nasungkit ni Orcollo ang titulo ng nasabing event noong 2010 edition habang si Bustamante ang naunang nagpasikat sa Pilipinas nang kunin ang kampeonato ng dalawang beses noong 1998 at 2001.


Pihadong dadaan sa butas ng karayom bago masungkit ni Orcollo ang ipangalawang titulo dahil may mga nagbabalik na mga dating kampeon.


Idedepensa ni Niels Feijen ng Holland ang kanyang korona habang habang ang iba pang dating kampeon ay sina Alex Pagulayan ng Canada (2008), Darren Appleton ng England (2009) at Karol Skowerski ng Poland (2012).


Ang ibang kalahok ay sina US Open champion Shane Van Boening, dating world champions Mika Immonen ng Finland at Thorsten Hohmann ng Germany, Mark Gray, Karl Boyes at Chris Melling ng England, Nikos Ekonomopoulos ng Greece, Daniele Corrieri ng Italy, James Georgiadis ng Australia, Wang Can ng China at Waleed Majid ng Qatar.


Nakalinyang makipagtumbukan ni Orcollo kay third seed na si Melling sa event na ipinatutupad ang knockout format.


May naibulsa si Orcollo na $88,575.00 sa taong ito kaya nasa pangatlong puwesto siya sa overall money list. ELECH DAWA


.. Continue: Remate.ph (source)



Orcollo imbitado sa World Pool Masters


Bulls binarako ang Knicks

NAGPAKITANG-GILAS agad sina star players Derrick Rose at Pau Gasol para suwagin ang New York Knicks, 104-80, kahapon sa 2014-15 National Basketball Association (NBA) regular season.


Tumipa ang bagong miyembro ng Chicago na si Gasol ng 21 points at 11 rebounds habang may 13 puntos at limang assist si former NBA MVP Rose upang hiyain ang Knicks sa kanilang lugar.


Galing sa LA Lakers si Gasol at bago magsimula ang pre-season ay kinuha ng Bulls ang kanyang serbisyo habang galing naman sa matagal na pahinga si Rose dahil sa kanyang injury.


“It was real fun being on the bench,” ani Rose. “Being able to laugh, talk basketball to your teammates whenever they come back to the sideline.”


Tumapos si reserve Taj Gibson ng 22 points para hiyain ang sina coach Derek Fisher at star player na si Carmelo Anthony.


Unang game ni Fisher bilang coach ng New York.


“I think it’s a lot of pressure off his shoulders because we have, I think, a variety of weapons, so he doesn’t have that pressure on himself to be able to score and force things,” patungkol ni Gasol kay Rose.


Bumira lang ng 14 puntos, apat na rebounds at tatlong assists si Anthony kaya naman halftime pa lang ay natambakan na agad ang Knicks.


“Embarrassed? No, I am not embarrassed,” ani Anthony. “We will get better. I believe that. I know that and we have another shot at it tomorrow night.”


Sa ibang NBA resulta, nanaig ang Indiana Pacers laban sa Philadelphia 76ers, 103-91, habang nagwagi ang Miami Heat kontra Washington Wizards, 107-95. ELECH DAWA


.. Continue: Remate.ph (source)



Bulls binarako ang Knicks


Sec. Ona, bakasyon muna

MAGBABASYON muna sa trabaho si Health Secretary Enrique Ona.


Ayon kay Ona, ito’y upang bigyang-pansin ang ilang personal matters, kabilang na ang kanyang kalusugan.


Gayunman, hindi naman inihayag ni Ona kung anong klaseng health concern ang kanyang sinasabi.


“It’s due to personal matters, including health matters,” pahayag pa ng Kalihim.


Epektibo ang leave of absence ng Kalihim nitong Oktubre 29 kaya’t pansamantalang si Health Undersectary Janette Garin muna ang magiging officer-in-charge (OIC) ng Department of Health (DoH).


Hindi pa rin naman tinukoy kung kailan magbabalik-trabaho si Ona ngunit posible umanong tumagal ng ilang linggo ang kanyang bakasyon. MACS BORJA


.. Continue: Remate.ph (source)



Sec. Ona, bakasyon muna


Kelot dakip na sa pananakit at shabu

LALONG nadiin sa selda ang isang lalaki matapos makuhanan ng shabu matapos dakpin ng mga pulis dahil sa reklamong pananakit sa ka-live-in sa Valenzuela City, Miyerkules ng gabi, Oktubre 29.


Nadagdagan ng kasong illegal possession of dangerous drug ang kasong violation against women and their children ni Erwin Garcia, 27, ng Bocaue, Bulacan.


Sa reklamo ni Djalaiza Soriano, alas-7 ng gabi nang saktan siya ng suspek sa inuupahan nilang bahay sa Guyabano St., Dalandanan ng lungsod dahilan upang ipadampot sa mga pulis.


Sa presinto ay kinapkapan ng mga pulis si Garcia at nakuhanan ng isang sachet sa dalang belt bag kaya isinelda at sinampahan ng mga nasabing kaso. RENE MANAHAN


.. Continue: Remate.ph (source)



Kelot dakip na sa pananakit at shabu


MENDIOLA HALLOWEEN

SUOT ang mga damit na itim na sumugod sa Mendiola ang mga guro upang ipaglaban ang panawagan sa gobyerno hinggil sa hiling nila na itaas ang sahod nila sa P25,000 at P15,000 para sa mga empleyado. EDDIE LEANILLO


.. Continue: Remate.ph (source)



MENDIOLA HALLOWEEN


Magta-tattoo binurdahan ng bala, tigbak

TODAS ang isang tattoo artist matapos barilin ng hindi pa kilalang suspek kaninang madaling-araw, Huwebes.


Dead-on-the-spot sanhi ng tama ng bala sa ulo si Carlo Raymond Buot, 33, ng Ilang-Ilang St., Maligaya Park subd. ng lungsod.


Sa ulat, alas-3 ng madaling-araw, naglalakad ang biktiima sa Zapote Rd., Camarin ng lungsod nang lapitan at putukan ng suspek bago tumakas.


Inaalam na ng mga pulis kung sino at ano ang motibo ng suspek sa pagpatay sa biktima. RENE MANAHAN


.. Continue: Remate.ph (source)



Magta-tattoo binurdahan ng bala, tigbak


Naaagnas na bangkay ng Tsinay, natagpuan sa bahay

NAAAGNAS na ang bangkay ng Tsinay nang matagpuan sa loob ng kanilang bahay na may sakit na hypertension sa Caloocan City, Miyerkules ng umaga, Oktubre 29.


Nakilala ang biktimang si Lucy To, nasa hustong gulang, ng Adelfa St., ng lungsod.


Sa ulat, alas-7 ng umaga nang matagpuan ang naaagnas nang bangkay ng biktima ng kanyang kapatid na si Jorge sa ikalawang palapag ng kanilang bahay.


May inayos umanong negosyo si Jorge kung kaya hindi nakauwi ng ilang araw at laking gulat nang makitang naaagas na ang kapatid na huling nakitang buhay nitong nakaraan Oktubre 27, 2014 alas-3 ng hapon.


Nabatid na may hypertension ang biktima na pinaniniwalaang dahilan ng pagkamatay ng una kung saan inaalam na ng mga pulis kung may naganap na foul play sa pagkamatay nito. RENE MANAHAN


.. Continue: Remate.ph (source)



Naaagnas na bangkay ng Tsinay, natagpuan sa bahay


Bus sumalpok sa puno, 30 sugatan

BAUANG, LA UNION – Umabot sa 30 katao ang nasugatan matapos bumangga sa isang puno ang sinasakyan nilang passenger bus sa national highway ng Bgy. Paringao, Bauang sa nasabing lalawigan kaninang umaga, Oktober 30.


Sa imbestigasyon, kasalukuyang ginagamot sa Ilocos Training and Regional Medical Center (ITRMC) ang mga nasugatan na nakasakay sa MVE Busline, na mayroong license plate na AYV-463 na bumangga sa isang puno dakong 9:15 ng umaga kanina.


Ayon sa awtoridad, sa lakas ng impact, yupi ang harapan ng bus at putol ang puno ng mangga sa harapan ng Parigao Elemtarty School na galing Baguio papuntang Abra.


Ayon sa mga pasahero ng bus, tumatakbo ang sasakyan ng dumiretso sa kaliwang bahagi ng daan hanggang tumama sa puno.


Anila, posibleng inantok ang driver ng mangyari ang insidente. ALLAN BERGONIA


.. Continue: Remate.ph (source)



Bus sumalpok sa puno, 30 sugatan


Binay umamin sa isang panayam na may babuyan sa Batangas

MANILA, Philippines - Inihain ngayong Huwebes sa Senado ang isang taped media interview noong 2010 kung saan inamin ni Bise President Jejomar Binay na may bi .. Continue: Philstar.com (source)



Binay umamin sa isang panayam na may babuyan sa Batangas


Age bracket ng SK, itataas

HINILING ni Senate Committee on Local Government Chairman Ferdinand Bongbong Marcos, Jr. na itaas ang age qualification para sa mga botante ng Sangguniang Kabataan (SK).


Sa kanyang sponsorship speech, sinabi ni Senador Marcos na nais niyang itaas sa 17 hanggang 24-anyos ang edad ng mga boboto para sa SK mula sa kasalukuyang 15 hanggang 17.


Ani Marcos, layunin nitong mailayo ang mga menor-de-edad mula sa pakikialam ng ilang mga nakatatandang opisyal ng barangay sa mga proyekto at programang nais nilang ipatupad.


Kapag nasa legal age na ani Marcos ang mga opisyal ng SK, maaari na itong maging accountable sa kanilang mga hakbang at may sapat na itong pag-iisip upang maihanda ang mga ito sa mas malalaking responsibilidad. JOHNNY ARASGA


.. Continue: Remate.ph (source)



Age bracket ng SK, itataas


VP Binay, magpapaliwanag sa CBCP

TINANGGAP ni Vice-President Jejomar Binay ang imbitasyon ng Catholic Bishops’ Conference of the Philippines (CBCP) para magpaliwanag sa mga alegasyon ng katiwalian na ibinabato laban sa kanya.


Sa liham na ipinadala ni Binay kay CBCP Committee on Public Affairs Chairman at Manila Auxiliary Bishop Broderick Pabillo, ipinahayag ng Bise-Presidente ang kahandaang harapin ang mga miyembro ng CBCP para ipaliwanag ang kanyang panig at malinis ang kanyang pangalan.


Si VP Binay ay inaakusahan ng pagkakaroon ng mga tagong-yaman, bukod pa sa alegasyon ng katiwalian kaugnay ng umano’y overpriced Makati City Hall Building 2. JOHNNY ARASGA


.. Continue: Remate.ph (source)



VP Binay, magpapaliwanag sa CBCP


Pekeng pari, ibinabala sa Undas

NAGBABALA ang pamunuan ng Manila North Cemetery (MNC) sa publiko laban sa mga pekeng pari na magsasamantala sa Undas at mag-iikot sa mga sementeryo kapalit ng pera.


Ayon kay MNC administrator Daniel Tan, kalimitang nag-aalok ang mga pekeng paring ito sa mga tao sa sementeryo na babasbasan at dadasalan ang mga puntod ng mga yumaong mahal sa buhay kapalit ng donasyon.


Pinayuhan pa ni Tan ang publiko na beripikahin muna sa pulisya at sa administrasyon ng sementeryo ang identidad ng naturang pari.


Ang Manila North Cemetery, na may sukat na 54 hektarya, ang pinakamalaking sementeryo sa Metro Manila.


Dito matatagpuan ang libingan ng ilang kilalang personalidad sa bansa tulad nina

dating pangulong Sergio Osmeña, Ramon Magsaysay at Manuel Roxas, historian na si Epifanio de los Santos at maging ang Hari ng Pelikulang Pilipino na si Fernando Poe Jr.


Inaasahang aabot sa dalawang milyong katao ang dadagsa sa MNC ngayong weekend para sa Undas. MACS BORJA


.. Continue: Remate.ph (source)



Pekeng pari, ibinabala sa Undas


Kano tiklo sa pag-post ng nakaw na motor sa FB

ARESTADO ang isang American national na si Shawn Thomas Bechner, suspek sa pangangarnap ng Honda CBR 1000cc na motorsiklo matapos magsagawa ng follow-up operation ang mga operatiba ng QCPD Station 10 sa pangunguna ni SPO1 Conrad Lim sa 1325 F. Rodriguez Sr. Ave., Brgy. Kristong Hari, Quezon City, sinasabing ipinose ng may-ari sa social media na nacarnap sa #53 Chestnut St., Marikina Subd., Brgy San Roque at agad ipinaalarma sa Ancar ang krimen. JUN MESTICA


.. Continue: Remate.ph (source)



Kano tiklo sa pag-post ng nakaw na motor sa FB


12 pulis na sangkot sa maanomalyang raid sa Pasay, sinibak

SINIBAK sa puwesto ang 12 pulis na sangkot sa diumano’y maanomalyang raid sa isang night club sa Pasay City noong Oktubre 23.


Ayon kay Southern Police District (SPD) Deputy Director for Operations Senior Superintendent Edgar Danao, maraming nilabag na panuntunan sa raid ang grupo ni Supt. Erwin Emelo na una nang sinibak sa tungkulin.


Tinanggal si Emelo matapos itong akusahan ng panggagahasa ng isa sa mga Guest Relations Officer (GRO) sa naturang night club.


Sinabi ni Danao na walang nangyaring koordinasyon sa Pasay police nang isagawa ang raid na 65 kababaihan ang inaresto.


Wala ring kinatawan mula sa Department of Social Welfare and Development (DSWD) at Women and Children’s Desk ng Pasay police. JOHNNY ARASGA


.. Continue: Remate.ph (source)



12 pulis na sangkot sa maanomalyang raid sa Pasay, sinibak


Kampo ni VP Binay, maglalabas ng 3 political ads

NAKATAKDANG ilabas ng kampo ni Vice-President Jejomar Binay ang tatlong political advertisements.


Nilinaw naman ni United Nationalist Alliance (UNA) Interim President at Navotas Representative Toby Tiangco na hindi ito bahagi ng sinasabing “Oplan Maligno” ni Caloocan Representative Edgar Erice.


Una nang inihayag ni Erice na maglalabas ng political advertisements si Binay bilang pantapal sa bumababang rating nito dahil sa diumano’y maling alegasyon kontra sa kanya.


Hindi naman masabi ni Tiangco kung kailan maie-ere sa mga TV networks ang nabanggit na political ads. JOHNNY ARASGA


.. Continue: Remate.ph (source)



Kampo ni VP Binay, maglalabas ng 3 political ads


2 volcanic quakes naitala sa Mayon

DALAWANG volcanic quakes at tatlong three rockfall events ang naitala sa bulkang Mayon sa nakalipas na 24 oras, ayon sa Philippine Institute of Volcanology and Seismology (Phivolcs) ngayong Huwebes.


Sa kanilang 8 a.m. update, naitala rin ng Phivolcs ang bahagyang pagbuga ng puting usok papuntang northwest, ngunit wala namang nakitang crater glow kagabi.


“These indicate Mayon remains in a state of unrest due to the movement of potentially eruptible magma,” ayon sa Phivolcs.


Nananatili pa rin ang alert level no. 3 sa naturang bulkan. MARJORIE DACORO


.. Continue: Remate.ph (source)



2 volcanic quakes naitala sa Mayon


8-anyos na dinukot sa Sulu pinakawalan na

PINAKAWALAN na ng bandidong grupo ang menor-de-edad na kanilang binihag sa Jolo, Sulu kahapon.


Kinumpirma ni Armed Forces of the Philippines (AFP) spokesman Col. Harold Cabunoc na pinakawalan ng kanyang mga abductors si Jewel Mariel Nigue, alas-2:30 kahapon sa Jolo wharf.


Hindi naman dinetalye ng opisyal kung paano pinakawalan ang biktima.


Matatandaang dinukot ng apat na armadong lalaki ang biktima mula sa isang tindahan sa Olutanga, Zamboanga Sibugay noong Julyo 25 na kasalukuyang taon. MARJORIE DACORO


.. Continue: Remate.ph (source)



8-anyos na dinukot sa Sulu pinakawalan na


LPA na papasok ng PAR magiging bagyo

POSIBLENG maging bagyo ang namataang low pressure area (LPA) sa silangan ng Visayas.


Ayon kay weather forecaster Gener Quitlong, nasa labas pa rin ng Philippine area of responsibility (PAR) ang LPA at huling namataan sa layong 2,100 kilometro silangan ng Visayas.


Aniya pa, posibleng sa Nobyembre 1 ito maging ganap na bagyo na tatawaging “Paeng.”


Ngayong Huwebes, dahil sa intertropical convergence zone (ITCZ), magkakaroon ng mahina hanggang katamtamang pag-ulan at pagkidlat-pagkulog sa Eastern at Central Visayas, Mindanao at Palawan.


Pero asahan ang mas maulan pang paggunita ng Undas sa Kabisayaan pagpasok ng LPA.


Samantala, lumakas na ngayon ang Amihan o northeast monsoon kaya umabot na ito sa Central Luzon at naramdaman na rin ang pagbaba ng temperatura sa Metro Manila.


Posibleng maramdaman ito nang ilang araw pero huwag asahang tatagal pa ito dahil gumagalaw ang Amihan.


Magiging maganda ang panahon sa Metro Manila at Luzon ngayong araw na ito. JOHNNY ARASGA


.. Continue: Remate.ph (source)



LPA na papasok ng PAR magiging bagyo


Presyo ng bulaklak, tumaas na

BAHAGYANG tumaas ang presyo ng mga bulaklak sa Dangwa sa Sampaloc, Maynila dalawang araw bago mag-Undas.


Nabatid na ilan sa mga bulaklak ay tumaas na ang presyo habang ang iba nama’y nanatili pa rin sa dati.


Gayundin, ang flower arrangement ay naglalaro na sa halagang P70-P100 ang Center Piece, P150-P250 naman ang Topiary, ang round arrangement naman ay aabot sa P350 – P400, ang One-sided naman ay aabot ng 500 habang nasa P500-P600 naman ang sa Spray arrangement.


Ang isang dosena naman ng long-stemmmed rose ay nasa P250.


Inaasahan naman na lalo pang tataas ang presyo ng bulaklak sa darating na Undas. JOCELYN TABANGCURA-DOMENDEN


.. Continue: Remate.ph (source)



Presyo ng bulaklak, tumaas na


P2.606-trilyong budget sa 2015, pumasa na sa Kamara

PINAGTIBAY na sa ikatlo at huling pagbasa ng Kamara ang 2015 General Appropriations Bill (GAB) na P2.606-trilyon ganap na alas-6:20 ng gabi.


Ito’y sa kabila ng pagpalag at pagtatangkang harangin ito ng mga taga-oposisyon matapos ipilit ng mayorya na maisingit ang may 269 pahinang errata.


Sa nominal voting, 197 kongresista ang bumoto ng pabor sa budget o House Bill 4968, 27 naman ang tumutol dito, habang wala naman ang nag-abstain.


Wala namang nabango sa 10 nangungunang ahensya na pinakamalaking alokasyon ng Deparment of Education (DepEd), Department of Public Works and Highways (DPWH), Department of National Defense (DND), Department of Interior and Local Government (DILG), Department of Social Welfare and Development (DSWD), Department of Health (DoH), Department of Agriculture (DA), Department of Transportation and Communication (DOTC), Department of Environment and Natural Resources (DENR) at Hudikatura.


Paglilinaw naman ni House Majority Leader Neptali Gonzales, P4.7-bilyon lamang ang errata na tinanggap ng komite ng Kamara sa budget.


Naging tensyonado ang deliberasyon at botohan sa budget na umaabot pa sa pagsigaw o pagtaas ng boses ng mga taga-oposisyon na gustong mangharang sa budget.


Ngunit sa huli, nanaig ang intensyon ng mayorya na pagtibayin na agad ang pambansang pondo para sa susunod na taon. MELIZA MALUNTAG


.. Continue: Remate.ph (source)



P2.606-trilyong budget sa 2015, pumasa na sa Kamara


Matapos ang halos 1 taon, Yolanda rehab plan inaprubahan ni PNoy

Matapos ang halos isang taon, inaprubahan ni Pangulong Benigno Aquino III noong Miyerkules ang P170.9-bilyong master plan sa muling patatayo ng mga kabahayan, istruktura, at kabuhayan ng mga survivor ng bagyong Yolanda sa Visayas. .. Continue: GMANetwork.com (source)



Matapos ang halos 1 taon, Yolanda rehab plan inaprubahan ni PNoy


QCPD DRUG SECTIONS BINUHAY

MULA sa ilang taon na banned sa drug operation, activated muli ang anti-drugs sections sa mga istasyon ng Quezon City Police District.


Ang masasabi natin, eh, welcome sa muling pagsulpot at paghahasik ng kotong cops na isasakripisyo ang laban sa droga sa ngalan ng pera. At welcome rin sa mga problema na susuungin ni bagong QCPD chief S/Supt. Joel Pagdilao dahil tiyak na sasakit ang ulo nito.


Konting background. Noong panahon ni C/Supt. Richard Albano, banned ang drugs operations dahil pinagkakaperahan ng mga pulis. Gamit ang tinatawag na ‘bangketa operation’, maraming pulis-QC ang nagkamal ng pera mula sa mga naaaresto sa operasyon ng droga.


Ang modus ay ganito. Sila’y magkakasa ng drug operation para makapamingwit o makapanghuli ng druglord, pusher o adik kaya. Sa mismong lugar pa lamang ng drug operation, sa ngalan ng pera, kakausapin ng mga drug cop ang naarestong lord, pusher o adik.


‘Pag ‘di tumuga, dadalhin sa isang lugar – maaaring safehouse o kaya’y mismong police station para ipagpatuloy ang negosasyon. Kapag sa police station ay ayaw pang ibigay ang hinihinging pera, tatakutin na sasampahan ng kaso sa korte na walang bail. Kaya sa takot, ang mga nahuhuli sa drug bust ay napipilitang maglagay na lamang sa halaga ng pera na hinihingi ng mga drug cop. Dahil ayaw makulong, kung saan-saan humihingi ng tulong ang mga nahuhuli para may maibigay sa mga pulis.


Ganyan ang masamang gawi na nangyayari sa anti-drugs sections sa QCPD stations hanggang sa sila’y pinutulan ng pangil ng noo’y QCPD director Gen. Albano.


Sa pag-upo ni Col. Pagdilao, biglang nagkaroon ng utos sa activation ng mga anti-drug section ng labing isang QCPD stations. Ang dahilan, dumami raw ang mga pusher at adik sa QC dahil kulang ang isinasagawang police operations.


Kaya naisip ng mga anti-drugs genius diyan sa Camp Karingal ang muling paggamit sa mga anti-drug cop sa mga istasyon… para mabuhay muli ang kotong cops. CHOKEPOINT/BONG PADUA


.. Continue: Remate.ph (source)



QCPD DRUG SECTIONS BINUHAY


SUESELBECK, BINASTOS ANG PILIPINAS

SI Marc Sueselbeck ay isang Aleman na boyfriend ng napaslang sa Olongapo City na si Jeffrey alyas Jennifer Laude. Luhaang lumipad si Marc papunta sa Pinas para makiramay sa mga kamag-anak ng kanyang kasintahan. Pulutong ang mga kabilang sa gay community na dumalo sa burol ni Jennifer na galit na galit sa suspek na si US Marine PFC Joseph Scott Pemberton.


Nang mabalita na ikinulong na si Joseph Scott sa Camp Aguinaldo ay agad sumugod sa kampo si Marc, ang babaeng kapatid ni Jennifer, si Harry Roque upang makaharap ang suspek. Sapilitang inakyat ni Marc at kapatid ni Jennifer ang gate na kung saan naroon si Scott. Malaki at matangkad si Marc at binalya niya ang isang sundalong Pinoy upang makalapit sa piitan ni Scott.


Ngayon ay patong-patong na kaso ang kanyang kahaharapin katulad ng assault sa isang sundalo ng ating bansa.


Yinurakan ni Marc ang karangalan ng isang sundalo at yinurakan na rin ni Marc ang dignidad ng bansa. Pero may narinig ba tayong condemnation sa hanay ng mga bakla, tomboy at iba pa at ng Gabriela at ni Harry Roque? Wala!


Nagreklamo na sa German Embassy ang Armed Forces sa masamang asal ng dayuhang ito.


Hindi na rin pinayagan ng Bureau of Immigration si Marc na nagtangkang tumakas sa Malaysia.


Malamang na ma-deport si Marc. Ang hiling ko lang sana ay makulong muna si Marc sa Bureau of Immigration nang matagal para pagdusahan niya ang kanyang kasalanan.


Maswerte pa rin ang bastos na Aleman na ito dahil siya ay “hinimatay” sa airport at “naisugod” sa Makati Medical Center.


Si Marc Sueselbeck ay isang banyaga na walang karapatang makialam sa ating mga Pinoy. At lalo siyang walang karapatan na itulak ang isang sundalong Pinoy. DEEP FRIED/RAUL VALINO


.. Continue: Remate.ph (source)



SUESELBECK, BINASTOS ANG PILIPINAS


ANO SILA HILO?

IN effect, iyan ang sagot na ibinalibag ni Rep. Sherwin Gatchalian sa dalawang attack dogs ng Mar Roxas faction sa Liberal Party na nagsabing hindi na dapat tumakbo bilang Presidente si Vice-President Jojo Binay sa 2016.


Tama si Gatchalian. Bakit naman aatras si Binay gayung patuloy ang pagiging No.1 presidential contender niya sa Pulse Asia at SWS surveys kahit kaban ng bayan na ang ginagamit sa demolition job laban sa kanya?


Ang tama lang na ang mag-withdraw ay si Sen. Alan Peter Cayetano, kasama ang “dalawa pang itlog”, na nagpapagamit kay Roxas para siraan si Binay sa pamamagitan ng Senado.


Sa pagbagsak ng rating ni Cayetano mula 5% bagsak sa 1%, kahit barangay captain ang takbuhan niya ngayon ay baka hindi siya manalo at wala siyang dapat sisihin kundi ang kanyang pagiging garapal sa pamumulitika.


Hindi naman kasi tanga ang madla para hindi makita na sa dinami-rami ng hearings na isinagawa ng komite gamit ang mga talunang kandidato sa Makati na sina Ernesto Mercado at Renato Bondal ay wala silang napatunayan ni katiting na alegasyon laban kay Binay.


Lumitaw na hindi naman parking building lang ang Makati City Hall Building 2 at walang overpricing sa pagtatayo nito dahil bukod sa isa itong green office building ay pinatibay rin ang pundasyon nito dahil malambot ang kinatatayuang lote malapit sa ilog.


At sa paglabas ng negosyanteng si Antonio Tiu, butata lahat ang mga tanong ng “tatlong itlog” sa sinasabi nilang dummy ni Binay si Tiu sa pagmamay-ari ng isang farm sa Rosario, Batangas. Tahasang sinabi ni Tiu na ang Sunchamp, isa sa marami niyang kumpanya na worth P5-bilyon at publicly listed sa Philippine Stocks Exchange, ang may-ari ng Batangas property na isang agri-tourism project niya.


Tama si Tiu, dahil low-profile businessman siya at VP naman si Binay na nagli-lease ng siyam na ektarya doon, madaling magkaroon ng maling akala ang ilang taga-Batangas na si Binay ang may-ari ng buong farm kahit hindi naman.


Sa totoo lang, lumabas na mas may kredibilidad si Tiu kumpara sa mga senador dahil isinalang ang negosyante at kanyang mga kumpanya sa due diligence ng giant foreign investment firm BlackRiver para sa P1 bilyong expansion loan na approved at na-release na.


Katunayan, biglang tumaas ang value ng stocks ng mga kumpanya ni Tiu na listed sa PSE na nangangahulugan lang na hindi naniniwala ang businessmen at local investors sa mga paratang sa kanya.


Kaya dapat nang tumigil ang “kumita”, este, komite ni Cayetano sa “Oplan: Nognog 2016 at ang Senate hearings dahil nakasusuka na.


Ang dami-daming problema ng bansa tulad ng lumalalang kahirapan, kagutuman, trapik, kriminalidad at dispalinghadong MRT at LRT para gamitin nila ang pondo ng bayan sa paninira kay Binay. KANTO’T SULOK/NATS TABOY


.. Continue: Remate.ph (source)



ANO SILA HILO?


Wednesday, October 29, 2014

SORRY NI GOV. TALLADO AT ARAL SA PAMBABAE

HUMINGI noong Lunes ng dispensa sa kanyang pamilya, mga kalalawigan at maging sa mga maurirat na mamamayan ng cyberspace, ang “tigasing” gobernador ng Camarines Norte na si Edgardo Tallado.


Ito, parekoy, ay may kaugnayan sa kumakalat niyang “sex video” kasama ang isang maputi at seksing bebot. Na hindi naman niya asawa! Hak, hak, hak!


Sa ganang akin, ang nasabing paghingi ng paumanhin ay katanggap-tanggap…bagama’t hindi nangangahulugan na ligtas na ang gobernador sa ngitngit ng kanyang mga botante!


Sa nabanggit na isyu, tatlong punto, parekoy, ang ating tatalakayin para magsilbing aral sa lahat ng opisyal ng pamahalaan.


Una, ang pagkakaroon ni Gov. Tallado ng “kabit” o kalampungang hindi niya asawa ay hindi naaayon sa aral ng simbahan at sa panlasa ng mga ipokrita! Kaya nga, dapat ay mariin itong itinatago lalo na kung ikaw ay isang opisyal dahil palaging nakatutok sa iyo ang taumbayan!


Pangalawa, ang pagkuha ng mga larawan o video sa mga posisyong nakapagpapalaway kay parekoy ay isang napakalaking katangahan para sa isang gobernador.


Dahil sa kaunting pagkakamali, tiyak na kakalat ito sa kalawakan at pagpapantasyahan ng sansinukob! Hak, hak, hak! At higit sa lahat, ay “saltik” ang pakiusap ni Tallado na tigilan na siya at huwag nang ikalat, pagpantasyahan o pakialaman ang nasabing video dahil hindi naman ito usapin ng pagnanakaw sa kaban ng bayan.


Gov. Tallado, ilan pa ba ang kerida, kalampungan o kinakalantari mo maliban sa isang ito? Ibig mo bang sabihin, eh, wala kang ginagamit kahit kusing sa pera ng bayan habang isinasagawa mo ang kalibugang ito? Ha?


Ibig mo bang sabihin, sa pagmamantine mo ng kalaway-laway na “sex life”, eh, sariling bulsa talaga ang gamit mo?


Pakyu! Hak, hak, hak! BURDADO/JUN BRIONES


.. Continue: Remate.ph (source)



SORRY NI GOV. TALLADO AT ARAL SA PAMBABAE


DILG tumangging pinopondohan ang 'pagtakbo' ni Mar sa 2016

MANILA, Philippines - Nilinaw ng Department of Interior and Local Government (DILG) ngayong Huwebes na walang ginagamit na pera ng publiko para sa umano'y pa .. Continue: Philstar.com (source)



DILG tumangging pinopondohan ang 'pagtakbo' ni Mar sa 2016


BI naglabas ng deportation order vs Mark Sueselbeck

MANILA, Philippines — Naglabas ng deportation order ngayong Huwebes ang Bureau of Immigration laban sa Alemang nobyo ng napaslang na Filipino transgender sa .. Continue: Philstar.com (source)



BI naglabas ng deportation order vs Mark Sueselbeck


'Binay dummy' naghain ng hindi notaryadong papeles sa Senado

MANILA, Philippines - Upang patunayan na siya ang tunay na nagmamay-ari ng "Hacienda Binay" naghain ng papeles ngayong Huwebes ang sinasabing "Binay Dummy" s .. Continue: Philstar.com (source)



'Binay dummy' naghain ng hindi notaryadong papeles sa Senado


Presyo ng dugo sa Manila Med, nakaka-high blood

MASYADONG ninenegosyo ng Medical Center Manila sa U.N. ang pagsasalin ng dugo sa kanilang mga pasyente.


Maging ang taga-billing department ng ospital ay nagulat ng malaman na magkaiba ang presyo ng dugo na isinasalin sa mga nasa private room at semi-private room.


Umaabot sa P3,003 ang presyo kada bag ng red blood cell (RBC) para sa mga pasyente na nasa pribadong silid habang nasa P2,310 naman sa semi-private.


Ang masakit nito, madalas na hindi naman kagustuhan ng pasyente na sa pribadong silid mapunta lalo na kung pagpapasalin lamang ng dugo ang gagawin. Madalas kasing sinasabi ng ospital na pribadong silid lamang ang bakante sa kanila kaya’t “no choice” ang pasyente.


Tila wala ring sinusunod na regulasyon ang ospital pagdating sa paniningil ng professional fees ng mga doktor nito.


Napag-alaman na umaabot sa P10,000 ang professional fee ng isa sa mga doktor ng ospital sa loob lamang ng dalawang araw (P5,000 kada araw) kahit na pagpapasalin lamang ng dugo ang ginawa ng pasyente nito.


.. Continue: Remate.ph (source)



Presyo ng dugo sa Manila Med, nakaka-high blood


P2.606 T budget sa 2015 pinagtibay na ng Kamara

MANILA, Philippines - Sa kabila ng pagpalag at pagtatangkang pagharang ng mga taga oposisyon, pinagtibay na sa ikatlo at huling pagbasa ng Kamara ang P2.606 .. Continue: Philstar.com (source)



P2.606 T budget sa 2015 pinagtibay na ng Kamara


Pamilya Laude sa BI: Pemberton ideklarang ‘undesirable alien’

MANILA, Philippines - Personal na hiniling kahapon ng pamilya ng napaslang na si Jeffrey “Jennifer” Laude sa Bureau of Immigration (BI) na ideklarang undesir .. Continue: Philstar.com (source)



Pamilya Laude sa BI: Pemberton ideklarang ‘undesirable alien’


Integration ng terminal fees iimbestigahan ng Senado

MANILA, Philippines - Kinuwestiyon kahapon ni Senator Koko Pimentel ang pagpapatupad ng integration ng terminal fees sa airline tickets sa pagpasok ng Nobyeb .. Continue: Philstar.com (source)



Integration ng terminal fees iimbestigahan ng Senado


Cha-cha ‘inilibing’ na ni Erice

MANILA, Philippines - Tinalikuran na ni Caloocan City Rep. Egay Erice ang pagsusulong sa Charter Change para sa ikalawang termino ni Pangulong Aquino. .. Continue: Philstar.com (source)



Cha-cha ‘inilibing’ na ni Erice


Kahalagahan ng bigas ituturo sa mga estudyante

MANILA, Philippines - Nais ng Department of Education (DepEd) na matutuhan ng mga mag-aaral ang kahalagahan ng pagtitipid ng bigas. .. Continue: Philstar.com (source)



Kahalagahan ng bigas ituturo sa mga estudyante


Legazpi City tumanggap ng parangal

MANILA, Philippines - Nakatanggap ng iba’t ibang pagkilala at parangal ang Legazpi City matapos itong mapili ng Galing Pook Award ngayon taon. .. Continue: Philstar.com (source)



Legazpi City tumanggap ng parangal


Smart, may dagdag proteksyon laban sa scams para sa mga subscribers

MANILA, Philippines - Bilang paghahanda sa inaasang pagdami ng mga scams sa dara­ting na Kapaskuhan, lalo pang pinagtibay ng Smart Communications, Inc. .. Continue: Philstar.com (source)



Smart, may dagdag proteksyon laban sa scams para sa mga subscribers


Graft at plunder Drilon kinasuhan sa Ombudsman

MANILA, Philippines - Sinampahan ng pa­tung-patong na kaso sa Ombudsman si Se­nate President Franklin Drilon dahil sa umano’y ma­anomalyang pagpa­patayo sa I .. Continue: Philstar.com (source)



Graft at plunder Drilon kinasuhan sa Ombudsman


Bank accounts ni Luy, et al buklatin – Sandiganbayan

MANILA, Philippines - Pinayagan ng Sandiganbayan 5th division na mabuksan ang bank accounts ng whistleblower na si Benhur Luy at ng iba pang mga saksi sa mul .. Continue: Philstar.com (source)



Bank accounts ni Luy, et al buklatin – Sandiganbayan


Binay haharap sa CBCP

MANILA, Philippines - Tinanggap ni Vice Pres. .. Continue: Philstar.com (source)



Binay haharap sa CBCP


SUNOG!

INIIMBESTIGAHAN na ang pagkakasunog sa sasakyan ng dalawang pulis Caloocan City na sina SPo3 Joel Montebon (WHA 420) at Po3 Gilbert Gamad (TNC 152) pasado alas-dose ng hatinggabi kagabi habang nakaparada sa loob ng headquarters compound ng naturang lungsod. James Paragas


.. Continue: Remate.ph (source)



SUNOG!


THE TOP EMPLOYERS!

THE Social Security System (SSS) conferred the “Balikat ng Bayan” distinction to two top-performing companies during the awarding ceremonies at the Ramon Magsaysay Hall of the SSS corporate headquarters in Diliman, Quezon City on September 25. Circular plaques sculpted by Filipino artist Dr. Antonino Raymundo were presented to (center, holding the plaques) PYP Agro Industries, Inc. President Patricio F. Pineda Jr. and Cebu Mitsumi Inc. representative Rodolfo Consares. Also in photo are (from L-R) Social Security Commissioner Daniel Edralin, SSS president and Chief Executive Officer Emilio de Quiros, Jr, Bangko Sentral ng Pilipinas Governor Amando Tetangco, Jr and SSS Chief Legal Counsel Voltaire Agas.


.. Continue: Remate.ph (source)



THE TOP EMPLOYERS!


MARTSA!

NAGMARTSA patungong judiciary ang mga opisyal ng Caloocan City sa pangunguna ni Vice Mayor Macario Asistio at mga miyembro ng Sangguniang Panglungsod upang harapin ang P100,000 piyansa bawat isa hinggil sa kasong kinahaharap ng mga ito sa sala ni Judge Dionisio Sison ng Regional Trial Court (RTC) Branch 125. James Paragas


.. Continue: Remate.ph (source)



MARTSA!