Pagdalo ni Napoles sa Senado, dapat ipagpaliban—Osmeña

Nina Hannah L. Torregoza at Leonel Abasola

Hiniling ni Senator Sergio Osmeña III sa Senate Blue Ribbon Committee na ipagpaliban ang pagdinig sa “pork barrel” fund scam sa Huwebes, Nobyembre 7, na dadaluhan ng negosyanteng si Janet Lim-Napoles.



Hinikayat ni Osmeña si Sen. Teofisto Guingona III, chairman ng komite, na huwag munang ituloy ang pagdinig hanggang sa muling pagbubukas ng regular na sesyon sa Nobyembre 18.

Aniya, karamihan sa mga senador ay nagbabakasyon at hindi makadadalo sa pagdinig sa Huwebes.

“I am requesting Senator TG Guingona to move the Nov. 7 hearing to Nov. 18, the day that Congress resumes,” sabi ni Osmeña.

“I am concerned that more than half the members of the Senate will be out of town since Congress is still on break,” ayon sa Senador.

Giit ni Osmeña, vice chairman ng Blue Ribbon Committee, dapat mabigyan ng pagkakataon ang lahat ng senador upang matanong si Napoles hinggil sa multi-bilyong pisong anomalya, na idinadawit ang ilan nilang kabaro.

“The credibility of the Senate would be enhanced by more openness and greater transparency,” paliwanag ni Osmeña.

Samantala, pinabulaanan ni Sen. Francis “Chiz” Escudero ang akusasyon na walang interes ang ilang senador na magsagawa ng pagdinig sa usapin sa pork barrel.

“Let me assure Sen. (Joseph Victor) Ejercito that the Finance Committee will conduct a hearing on DAP (Disbursement Acceleration Program), only that we have to give way to the proposed 2014 budget deliberation,” ayon kay Chiz.

.. Continue: Balita.net.ph (source)

Pagdalo ni Napoles sa Senado, dapat ipagpaliban—Osmeña