SI His Excellency Vice President Jejomar C. Binay ay nagdiriwang ng kanyang ika-71 Kaarawan ngayong Nobyembre 11, 2013. Inagurahan siya noong Hunyo 30, 2010 ang unang local executive na naihalal sa puwestong ito. Bilang Vice President, siya ang Chairman ng Housing and Urban Development Coordinating Council, Presidential Adviser for Overseas Filipino Workers (OFW) Concerns, pinuno ng Task Force OFW na tumutulong sa mga Overseas Filipino Worker, at Representative of the President sa mga opisyal na pagbisita at misyon sa ibang bansa. Siya ay President ng dalawang partidong politikal – ang United Nationalist Alliance (UNA) at ang Partido ng Demokratikong Pilipino-Lakas ng Bayan (PDP-Laban)—at Chairman ng Asia-Pacific Regional Scout Movement at National President ng Boy Scout of the Philippines.
Si “Jojo”, ang tawag sa kanya, ay nag-iisang anak nina Diego Binay at Lourdes Cabautatan Binay. Nag-aral siya sa Philippine Normal College, University of the Philippines (UP) Preparatory High School, at UP Diliman kung saan siya ay nagtapos ng Bachelor of Political Science noong 1963 at Bachelor of Laws noong 1967. Pumasa siya sa Bar noong 1968, at kumuha ng master’s degree in Public Administration at Law sa UP at University of Santo Tomas noong 1980, at graduate studies sa National Defence College of the Philippines, na may ranggong Colonel sa Philippine Navy Reserve Force.
Siya ay Senior Executive Fellow sa John F. Kennedy School of Government sa Harvard University. Nakumpleto niya ang International Housing Program, sa Wharton School ng University of Pennsylvania. Nagturo siya ng law, political science, at public administration sa Polytechnic University of the Philippines, Philippine Women’s University, at St. Scholastica’s College. Nagkaloob siya ng libreng legal assistance sa mahihirap na biktima, sa pamamagitan ng kanyang membership sa Free Legal Assistance Group, Movement of Attorneys for Brotherhood, Integrity, and Nationalism, Inc., at August Twenty-One Movement.
Matapos ang makasaysayang EDSA People Power Revolution ng 1986, nagsilbi siyang Office-in-Charge ng Makati mula 1986 hanggang 1998, at nahalal na Mayor mula 2001 hanggang 2010. Nahalal siyang Vice President noong 2010. Siya ay kasal kay Dr. Elenita Sombillo Binay at mayroon silang limang anak: sina Senator Ma. Lourdes Nancy, 2nd District Makati Congresswoman Atty. Mar-Len Abigail, Makati Mayor Jejomar Erwin Jr., Marita Angeline, at Joanna Marie Blanca.
Ang Manila Bulletin, sa pamumuno ng aming Chairman of the Board of Directors Dr. Emilio T. Yap, President and Publisher Atty. Hermogenes P. Pobre, Executive Vice President Dr. Emilio C. Yap III, Editor-in-Chief Dr. Cris J. Icban Jr., Business Editor Loreto D. Cabañes, mga Opisyal at Kawanihan, ay binabati si Vice President Jejomar C. Binay sa kanyang pagdiriwang ng ika-71 Kaarawan ngayong Nobyembre 11. Hangad namin ang lahat ng tagumpay sa kanyang mga pagsisikap. MALIGAYANG KAARAWAN AT MABUHAY!
.. Continue: Balita.net.ph (source)
No comments:
Post a Comment