Nabigo si dating OPBF bantamweight champion Rolly Lunas ng Pilipinas sa ambisyong muling lumaban sa world title fight nang talunin sa 3rd round TKO ng Amerikanong si WBO No. 1, WBA No. 7 at IBF No. 10 super bantamweight Chris Avalos sa AVI Resort & Casino, Laughlin, Nevada sa United States kamakalawa.
“Chris Avalos (23-2) continued his winning ways, dominating Rolly Lunas (34-9) over three rounds. Avalos dished punishment from the opening bell,” ayon sa ulat ni Ryan Burton ng BoxingScene.com.
“Avalos landed heavy shots with both hands but Lunas gamely fought on until he landed a one two combination that sent Lunas crashing to the canvas,” dagdag sa ulat. “Lunas rose to his feet but was clearly out on his feet and referee Kenny Bayless waived off the fight.”
Ang sagupaan ay promosyon ng Top Rank Inc. na ipinalabas nang live sa Spanish language television station UniMas sa seryeng Solo Boxeo. Ito ang ikalawang laban ni Lunas sa super bantamweight division matapos talunin sa puntos si journeyman German Meraz sa Mexico.
Sa ikalawang panalo sa Pinoy boxers, tiyak na mapapalaban na sa world title fight si Avalos laban kay WBO at WBA super bantamweight titlist Guillermo Rigondeaux ng Cuba na maunang magdedepensa kay ex-IBF bantamweight titlist Joseph Agbeko ng Ghana.
Ngunit maaari ring hamunin ni Avalos si IBF junior featherweight titlist Kiko Martinez ng Spain o WBC super bantamweight champion Leo Santa Cruz ng Mexico.
Tumanyag si Avalos nang talunin sa puntos si dating interim WBA super flyweight champion Drian Francisco na isa ring Pilipino sa elimination bout noong nakaraang Hulyo. (Gilbert Espeña)
.. Continue: Balita.net.ph (source)
No comments:
Post a Comment