Inaasahang isang world title fight ang susunod na laban ni Filipina boxing hero Ana “Hurricane” Julaton matapos niyang magwagi via 10th round majority decision sa kanyang huling laban sa mas matangkad na kalabang Mexican na si Perla Hermandez sa Yucatan, Mexico kamakalawa ng gabi.
Kahit naputukan ng kanang kilay sanhi ng aksidenteng umpugan sa ikaanim na round, nakipagsabayan pa rin si Julaton kay Hernandez kaya nanalo sa score cards ng dalawang huradong Mexican sa mga iskor na 97-93 at 98-94 samantalang isa pang Mexican judge ang umiskor ng 95-95.
“In round 6th, an accidental head butt opened a cut on Julaton’s right eyebrow which upon initial glance appeared to be a problem as it bled profusely,” ayn sa ulat ng Philboxing.com. “However, expert management by her unnamed local cutman saved the day for Julaton. Although the cut bled slightly every round thereafter from 7 to 10, it was literally a ‘no-factor’ as
Julaton was far busier and connected more than Hernandez.”
Sa kanyang pagwawagi, inaasahang aangat si Julaton sa WBO rankings at maaring hamunin ang kasalukuyang kampeon an si Marcela Eliana Acuna ng Argentina na natamo ang korona nang hubaran ng WBO ang tumalo sa Pinay boxer na isa ring taga-Argentina na si Yesica Marcos noong Marso 2012.
“Julaton’s victory can be credited in part to her high altitude training done in Reno, Nevada and the occasional pointers from Jeff Mayweather when Julaton finds time to work out at the TMT gym in Las Vegas where she is now currently based,” dagdag ng ulat. – Gilbert Espena
.. Continue: Balita.net.ph (source)
No comments:
Post a Comment