Aasintahin ng Pilipinas ang dalawang medalyang ginto sa pagtungo ngayon ng 8-kataong national men’s and women’s lawn tennis team sa paglahok sa 1st Southeast Asian Tennis Championship sa Nobyembre 22-27 sa Lawn Tennis Association of Thailand sa Nonthaburi, Thailand.
“We’ll try to win at least two of the five gold medals at stake,” pahayag kahapon ni Philippine Tennis Association (PHILTA) vice president Randy Villanueva. “Pamalit ito sa Myanmar 27th Southeast Asian Games next month na walang tennis event.”
Bubuo sa komposisyon ng male squad sina Association of Tennis Professional (ATP) circuits campaigners Fil-Ams Treat Conrad Huey at Ruben Gonzales, Jr. at homegrown talents Patrick John Tierro at Johnny Arcilla.
Ang kababaihan ay irerepresenta nina Women’s Tennis Association tournament veteran Marian Jade Capadocia, Fil-German Katarina Lenhart, Edilyn Balanga at Anna Clarice Patrimonio. Si Chris Cuarto ng De La Salle University-Manila ang coach.
Matatandaang iniuwi ng Pilipinas ang 1-3-6 ginto-pilak-tansong medalya sa 26th SEA Games noong 2011 sa Indonesia. Ang mga nakaginto ay sina Huey at Denise Dy sa mixed doubles. Pilak sina Huey at Cecil Mamiit sa men’s doubles at men’s team kasama si Jeson Patrombon.
Nakatanso lamang sina Mamiit at Patrimonio sa men’s & women’s singles habang kasama ng huli sina Dy at Capadocia sa tanso rin sa women’s team.
Kilala rin ang limang araw na kumpetisyon na may basbas ng Asian Tennis Federation (ATF) na Toyota Aec Invitational Championships 2013 kung saan vice chairman ng chairing committee nito si Philippine Sports Commission (PSC) commissioner Salvador Andrada. (Angie Oredo)
.. Continue: Balita.net.ph (source)
No comments:
Post a Comment