Ni Kris Bayos
Napatunayan ng isang jury sa New York na nagkasala ang Manhattan-based na kalihim ni Imelda Marcos ng conspiracy at tax fraud sa pagtatago at pagbebenta ng multi-million dollar na halaga ng mga artwork na nabili ng dating First Lady habang pangulo pa si Ferdinand Marcos.
Iniulat ng New York Daily News na “it took the Manhattan jury less than three hours to find Vilma Bautista, 75, guilty of first degree criminal tax fraud, fourth-degree conspiracy and firs-degree offering a flase instrument foe filing from swiping four paintings from the upper East Side townhouses where Imelda Marcos partied after the regime fell in 1980s.”
Resulta ng kanyang pagkakasakdal, nahaharap si Bautista sa hanggang 25 taong pagkakakulong. Ngunit iniulat na isinugod siya sa ospital noong nakaraang Biyernes (Sabado sa Pilipinas) dahil sa sakit sa puso at wala sa korte nang ibaba ang hatol sa kanya.
Iniulat ng New York Daily na sinabi ni Manhattan District Attorney Cyrus Vance Jr., na “ more than 25 years after these masterwork paintings were looted, it took a two-and-a half hours to come back with guilty verdict against the woman who conspired to steal them.”
“Vilma Bautista was found guilty of attempting to sell arts she possessed secretly fore decades and knew to be stolen, and for selling a looted museum-quality painting foe her personal enrichment,” saad sa pahayag ni Vance.
Kahit na ang gobyerno ng Pilipinas ay hindi bahagi ng kasong ito laban sa kalihim ni Mrs. Marcos, sinabi ni Atty. Andres Bautista, chairman ng ahensiya na inatasang bawiin ang mga nakaw na yaman ng mga Marcos, ang Presidential Commission on Good Government (PCGG), na nag-claim na ang Gobyerno ng Pilipinas sa mga nasamsam na painting mula kay Ms. Bautista, na kinabibilangan ng L’Eglise at la Siene a Veuthevil, kilala rin bilang “L ‘Eglise a Veuthevil,” 1881 ni Claude Monet; Le Cypres de Djenan Sidi Said, kilala bilang “Algerian View,” 1946, ni Albert Marquet; at Langland Bay, 1887, ni Alfred Sisley.
Ang tatlong painting ay nasamsam kay Bautista ng NYDA Office matapos maibenta ang “Le Bassin aux Nymphease ni Claude Monet na kilala rin bilang “Japanese Footbridge Over the Water-Lily Pond at Giverny,” 1899, o “Water–Lily” noong Setyembre 2010 sa black market. Sinabi ng PCGG chief na nagawang maipagbili ni Mrs. Bautista ang Monet sa halagang $32 milyon sa black market ngunit maaaring umabot ang halaga nito sa $60 hanggang $70 milyon sa fair market.
Bukod sa painting, nasamsam din ng NYDA ang $15 milyon mula sa bank account ni Ms. Bautista, isang $ 3-milyong apartment sa New York, life insurance na nagkakahalaga ng $1 hanggang $2 milyon. Sinabi ni Mr. Bautista na ang mga pera at ari-ariang ito ay ipinapalagay na nabili gamit ang perang illegal na pinagbilhan ng “Water-Lily” ni Monet.
“We were assured by the NYDA that they believe that these paintings rightfully belongs to the Filipino people,” aniya, nagpahayag ng kumpiyansa na mababawi rin ng Estado ang mga painting, na binili ni Mrs. Marcos sa panahon ng administrasyon ni Mr. Marcos.
Ayon sa NYDA, si Ms. Bautista ay nagsilbing Foreign Services Officer sa Philippine Mission to the United Nations sa New York mula 1970s o hanggang 1986. Unofficially, sa panahong ito, nagsilbi rin si Ms. Bautista bilang personal secretary ni Mrs. Marcos.
Nadiskubre ng NYDA na binili ni Mrs. Marcos, habang siya ay First Lady ng Pilipinas, ang mga painting noong 1970s sa isang gallery sa London, at iniutos na ipadala ang “Veuthevil” at “Langland Bay” sa Malacañang Palace sa Pilipinas at itinabi para sa sarili ang “Water-Lily.”
Kalaunan ang “Veuthevil” at “Langland Bay” ay inilabas sa bansa at isinabit sa Philippine Townhouse sa Manhattan. Ang ikaapat na painting – ang “Algerian View” — ay napunta sa Metropolitan Museum sa Manila at kalaunan ay ipinadala kay Mrs. Marcos sa New York kasama ang iba pang mga painting noong 1982.
.. Continue: Balita.net.ph (source)
No comments:
Post a Comment