Tuesday, November 12, 2013

Donaire, ikakasa sa WBA featherweight champ

Ni Gilbert Espeña


Kinumpirma ni Top Rank promoter Bob Arum na mas gusto niyang hamunin ni Nonito “The Filipino Flash” Donaire Jr. ang walang talong si WBA featherweight champion Nicholas “Axe Man” Walters ng Jamaica upang maging lehitimong four-division world champion ang Pinoy boxer.



Kapwa nanalo sina Donaire at Walters noong Linggo laban kina three-division world champion Vic Darchinyan (9th round TKO) at Mexican Alberto Garza (4th round TKO) at naniniwala si Arum na mas mainam na manatili ang Pilipino sa featherweight division kaysa bumalik sa super bantamweight division na pinaghaharian ngayon ni Cuban Guillermo Rigondeaux na may hawak ng WBA at WBO crowns.


“I don’t want Nonito to face off with WBA/WBO super bantamweight champion Guillermo Rigondeaux in his next fight, despite the fact that Donaire called him out after winning by a 9th round TKO in a featherweight rematch against Vic Darchinyan,” sinabi ni Arum sa BoxingScene.com. “I want him to face Walters, a very powerful boxer.”


Matapos manalo, nangako si Arum kay Walters na ilalaban sa mga sikat na featherweight boxers at kabilang na nasa stable niya ay sina Donaire at IBF champion Evgeny Gradovich ng Russia na magdedepensa ng korona laban kay Australian Billy Dib sa Nobyembre 24 sa Macau, China.


“I’ll put you in with some of the big names in the division,” pangako ni Arum sa Jamaican na may perpektong 23 panalo, 19 sa pamamagitan ng knockouts.


Puwede ring hamunin ni Donaire si Gradovich ngunit matalik niya itong kaibigan at nagsasanay rin sa ilalim ni Mexican Robert Garcia, samantalang hawak ng Golden Boy Promotions si WBC feathweight champion Jhonny Gonzalez ng Mexico.


“I don’t think Rigondeaux should be his next fight because he struggles to make 122,” giit ni Arum hinggil kay Donaire na pinayuhan niya sa laban kay Darchinyan na hindi mananalo sa isang suntok dahil lamang ang Armenian sa puntos. “He unleashed in the 9th round and that saved him (from defeat).”


.. Continue: Balita.net.ph (source)



Donaire, ikakasa sa WBA featherweight champ


No comments:

Post a Comment