Magsasagupa ang walo sa pinakamahuhusay na junior basketball team sa bansa sa pagaagawan para sa korona ng kanikanilang kinabibilangang dibisyon sa pagsambulat ng MILO BEST Center-SBP Passerelle National Finals sa University of the Assumption sa San Fernando, Pampanga sa Nobyembre 23-24.
Hangad ng kasalukuyang SBP division champion La Salle Greenhills (LSGH) na maipagtanggol ang kampanya ng NCR sa ikalawang sunod na korona sa pagharap nito sa katapat sa rehiyon na Berkeley School of Baguio (Luzon), ang University of St. La Salle Integrated School (Visayas) at Ateneo de Davao (Mindanao).
Matatandaan na kinolekta noong nakaraang taon ng LSGH ang kambal na panalo kontra sa malalakas na koponan sa Visayas na University of San Carlos at University of the Visayas para sa korona ng SBP (11-Under) at Passerelle (Edad 12-13-14).
Matapos itulak sa ikatlong puwesto lamang sa regional finals ang Greenies, tangka ng Tondo-based Chiang Kai Shek College na magtala ng sariling kasaysayan sa Paserelle Division sa pagsagupa nito kontra Angeles University Foundation
(Luzon), University of San Carlos (Viasayas) at Ateneo de Davao (Mindanao).
Bagaman naapektuhan ng dumaang bagyo na Yolanda ang Visayas, sinabi ng mag-asawa na BEST founder na sina Nic at Marlyn Jorge sa lingguhang Philippine Sportswriters Association (PSA) forum na makakadalo sa torneo ang dalawang koponan na mula sa Cebu.
“Although they were slightly affected by the super typhoon, makakadalo naman lahat ng mga team na mula sa Cebu,” sabi ni Jorge. “Medyo nahirapan din kami sa Mindanao dahil medyo nagkagiyera doon but we were able to continue with our games during weekends,” sabi naman ng asawa nitong si Marlyn.
“We are anticipating a full display of talent, camaraderie, sportsmanship and team work from our young champions. Every year, we witness athletes bring the best out of one another as they take their passion for the hard court to the next level,” sabi pa ni Jorge.
Ang MILO BEST Center SBP Passerelle ang pinakaprestihiyosong taunang inter-school league para sa elementary at high school basketball players na itinataguyod ng MILO-Basketball Efficiency and Scientifc Training (BEST) Center Small Basketeers of the Philippines (SBP)- Passerelle. – Angie Oredo
.. Continue: Balita.net.ph (source)
No comments:
Post a Comment