Napakalaki ang nakikitang potensiyal ni Hall of Fame promoter at Top Rank Promotions founder Bob Arum sa Asya kung professional boxing lang ang pag-uusapan.
Sa isang teleconference kahapon para sa “Pacquiao-Rios Clash in Cotai” showdown sa Macau, China sa Nobyembre 23, sinabi ni Arum na hindi dapat sa Estados Unidos lamang nakatutok ang atensiyon ng isang promoter sa boksing.
“You have to understand – stop being so U.S.- centric. The world has changed,” giit ni Arum sa BoxingScene.com.
“There are revenue sources that are huge outside of the United States. And it’s not only Macau – look what happened in Russia where somebody paid $23M for a heavyweight match because they knew in Russia they could generate huge amounts of money from sponsorships and tickets.”
Tatanghaling may pinakamalaking papremyo sa Asya ang boxing event na “Clash in Cotai” na pagbibidahahan ni Pambansang Kamao Manny “Pacman” acquiao at ex-WBA lightweight titlist Brandon “Bam Bam” Rios.
Ayon kay Arum, nakatakdang mahigitan ng Pacquiao-Rios bout para sa bakanteng WBO International welterweight title ang pangkalahatang kinita, papremyo, television viewership at interes ang sagupaang Mike Tyson vs James “Buster” Douglas heavyweight title fight sa Tokyo, Japan noong 1990.
“It will be by far the biggest purse in Asia,” ani Arum. “I expect Manny to make approximately US$20 million and Rios US$4 million. There’s no question it will be the biggest boxing fight in Asia ever.”
Na-upset ni Douglas si Tyson noong Pebrero 10, 1990, sa Tokyo Dome na isa sa pinakamalaking upset sa kasaysayan ng boxing nang patulugin ng 42-1 underdog ang kampeon. Kumita si Iron Mike ng US$6million para sa laban habang nagkaroon naman si Douglas ng US$1.3 million.
“From a sporting viewpoint, this event will probably be the biggest event since the Beijing Olympics [in 2008],” giit naman ni Edward Tracy, chief executive ng co-promoters Sands China. “We are expecting [a capacity crowd] of around 12,000 spectators.”
Ipalalabas ang Pacquiao-Rios sa state-run CCTV na may 300 milyong viewers sa buong China bukod pa sa pay-per-view ng Home Boxing Office (HBO) kaya inaasang lilikha ito ng bagong world record. – Gilbert Espena
.. Continue: Balita.net.ph (source)
No comments:
Post a Comment